November 02, 2023
November 02, 2023
ദോഹ: ഖത്തറിൽ ക്യാമ്പിംഗ് സീസണിലെ കാരവൻ, ട്രെയിലർ ട്രാൻസ്പോർട്ടിംഗ് ഷെഡ്യൂൾ ആഭ്യന്തര മന്ത്രാലയം (എം.ഓ.ഐ) പ്രഖ്യാപിച്ചു. ഞായർ മുതൽ ബുധൻ വരെ രാവിലെ 8 മണി മുതൽ വൈകിട്ട് 5 മണി വരെയും, വ്യാഴം മുതൽ ശനി വരെയുള്ള ദിവസങ്ങളിൽ രാവിലെ 6 മണി മുതൽ ഉച്ചക്ക് 12 മണി വരെയുമാണ് ട്രാൻസ്‌പോർട്ടിങ്ങ്‌ അനുമതി. ഗതാഗത കുരുക്ക് ഒഴിവാക്കാനാണ് ട്രാൻസ്പോർട്ടിങ്ങിന് സമയക്രമം ഏർപ്പെടുത്തിയത്.
ഡ്രൈവർമാരോടും കാരവൻ ഉടമകളോടും കൃത്യമായ സമയക്രമം പാലിക്കണമെന്നും, ട്രാൻസ്പോർട്ടിങ്ങിന് അനുവദിച്ച റോഡ് ഉപയോഗിക്കണമെന്നും എം.ഓ.ഐ മുന്നറിയിപ്പ് നൽകി. കൂടാതെ, ഓവർടേക്ക് ചെയ്യുന്നത് എല്ലാ സമയത്തും കർശനമായി നിരോധിച്ചിരിക്കുന്നുവെന്നും എം.ഓ.ഐ വ്യക്തമാക്കി.
അതേസമയം, കാരവാനുകളിലും ട്രെയിലറുകളിലും പ്രവർത്തനക്ഷമമായ എക്‌സ്‌റ്റിംഗ്യുഷർ, നല്ല നിലവാരമുള്ള റിയർ (ചുവപ്പ്), സൈഡ് (മഞ്ഞ) റിഫ്‌ളക്ടറുകൾ, സുരക്ഷിതമായ ബ്രേക്കുകളും ടയറുകളും, പ്രവർത്തനക്ഷമമായ റിയർ ലൈറ്റും ഉണ്ടായിരിക്കണമെന്നും മന്ത്രാലയം ഓർമ്മിപ്പിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
