August 18, 2023
August 18, 2023
ദോഹ : മദീനത്ത് അൽ കഅബാൻ സ്ട്രീറ്റിൽ അൽ ഷമാൽ സർവീസ് റോഡുമായുള്ള ഇന്റർസെക്ഷനും സ്ട്രീറ്റ് നമ്പർ 710-ലെ റൗണ്ട് എബൗട്ടിനുമിടയിൽ ഇരു ദിശകളിലുമായി 800 മീറ്റർ പാത താൽക്കാലികമായി അടച്ചിടുമെന്ന് പൊതുമരാമത്ത് അതോറിറ്റി (അഷ്ഗാൽ) അറിയിച്ചു.ജനറൽ ഡയറക്ടറേറ്റ് ഓഫ് ട്രാഫിക്കുമായി ഏകോപിപ്പിച്ചാണ് ഓഗസ്റ്റ് 20 മുതൽ ഒക്ടോബർ 19 വരെ. ഗതാഗത നിയന്ത്രണം ഏർപ്പെടുത്തുന്നത്.നവീകരണ പ്രവർത്തനങ്ങളുടെ ഭാഗമായാണ് നടപടി.
ഇക്കാലയളവിൽ , മദീനത്ത് അൽ കഅബാൻ സ്ട്രീറ്റിലേക്ക് പോകുന്ന റോഡ് ഉപയോക്താക്കൾക്ക് അൽ ഷമാലിലേക്ക് പോകാൻ സർവീസ് റോഡ് ഉപയോഗിക്കാം.
വാഹനമോടിക്കുന്നവർക്ക് നിർദേശങ്ങൾ നൽകുന്നതിനായി സൂചനാ ബോർഡുകൾ സ്ഥാപിക്കുമെന്നും അഷ്ഗാൽ അറിയിച്ചു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R