April 06, 2024
April 06, 2024
ദോഹ: ഖത്തറില് റമദാനോട് അനുബന്ധിച്ച് ആരംഭിച്ച ത്രോ ബാക്ക് ഫുഡ് ഫെസ്റ്റിവല് ഏപ്രില് 15 വരെ നീട്ടി. വൈവിധ്യമാര്ന്ന പരമ്പരാഗത ഭക്ഷണങ്ങളുടേയും രുചികളുടേയും പ്രദര്ശനമാണിത്. ഖത്തര് ടൂറിസം സംഘടിപ്പിക്കുന്ന പ്രദര്ശനത്തില് ബഹുരാഷ്ട്ര പാചക രീതികളും ഖത്തരി പാരമ്പര്യ രുചികളും ആസ്വദിക്കാനാവും.
പതിനഞ്ചിലധികം പ്രാദേശിക, അന്തര്ദേശീയ റെസ്റ്റോറന്റുകള് പ്രദര്ശനത്തിലുണ്ട്. ഖത്തര് ആസ്ഥാനമായുള്ള അന്താരാഷ്ട്ര റെസ്റ്റോറന്റുകള്ക്ക് പുറമേ ഫലസ്തീന് കഫറ്റീരിയ, ഒമര് അല് ഖയാം, പൊപ്പേയ, ഓറഞ്ച് കിയോസ്ക്, അല് സര്ക്ക സീന് തുടങ്ങിയ രാജ്യത്തെ ഏറ്റവും പഴക്കം ചെന്ന റെസ്റ്റോറന്റുകളിലെ രുചികളും മേളയില് ആസ്വദിക്കാനാവും.
ഓള്ഡ് ദോഹ തുറമുഖത്ത് ഇഫ്താര് മുതല് സുഹൂര് വരെ എല്ലാ ദിവസവും സംഘടിപ്പിക്കുന്ന ഫുഡ് ഫെസ്റ്റിവലില് പ്രവേശനം സൗജന്യമാണ്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F