January 02, 2024
January 02, 2024
ദോഹ: ഖത്തറിൽ ഡിസംബർ 31-ന് അവസാനിച്ച കഴിഞ്ഞ വർഷത്തേക്കുള്ള ടാക്സ് റിട്ടേണുകൾ സമർപ്പിക്കുന്നതിനുള്ള സമയപരിധി ജനറൽ ടാക്സ് അതോറിറ്റി (ജിടിഎ) പ്രഖ്യാപിച്ചു. 2024 ജനുവരി 1 മുതൽ ഏപ്രിൽ 30 വരെയാണ് സമയ പരിധി. ഈ തിയ്യതിക്കുളിൽ ടാക്സ് റിട്ടേണുകൾ സമർപ്പിക്കാത്തവർക്ക് കനത്ത പിഴ ശിക്ഷ ഉൾപ്പടെ നേരിടേണ്ടി വെരും.
വാണിജ്യ രജിസ്ട്രേഷനോ വാണിജ്യ ലൈസൻസോ ഉള്ള എല്ലാ കമ്പനികളും ടാക്സ് റിട്ടേൺ സമർപ്പിക്കണമെന്നും, അവർ യഥാർത്ഥ വാണിജ്യ പ്രവർത്തനങ്ങളിൽ ഏർപ്പെട്ടിട്ടുണ്ടോ എന്നത് പരിഗണിക്കാതെ തന്നെ ടാക്സ് റിട്ടേൺ ബാധകമായിരിക്കുമെന്നും ജിടിഎ വ്യക്തമാക്കി. Dhareeba ടാക്സ് പോർട്ടൽ വഴിയോ, dhareeba.qa എന്ന വെബ്സൈറ്റ് വഴിയോ, Dhareeba ആപ്ലിക്കേഷൻ വഴിയോ ടാക്സ് റിട്ടേൺ സമർപ്പിക്കാം.
ആദായനികുതി നിയമവും അതിന്റെ എക്സിക്യൂട്ടീവ് റെഗുലേഷനുകളും പ്രഖ്യാപിക്കുന്ന 2018 ലെ 24-ലെ നിയമത്തിന്റെ പരിധിയിൽ വരുന്ന എല്ലാ കമ്പനികളും സ്ഥാപനങ്ങളും ടാക്സ് റിട്ടേൺ ഫയൽ ചെയ്യേണ്ടത് ആവശ്യമാണെന്നും അധികൃതർ വ്യക്തമാക്കി. ഈ സ്ഥാപനങ്ങൾ പൂർണ്ണമായും ഖത്തറികളുടെയോ മറ്റ് GCC പൗരന്മാരുടെയോ ഉടമസ്ഥതയിലുള്ളതോ, കോർപ്പറേറ്റ് ആദായനികുതിയിൽ നിന്ന് ഒഴിവാക്കപ്പെട്ടതോ, ഖത്തറി ഇതര പങ്കാളികൾ ഉള്ളതോ ആണെങ്കിലും ഉത്തരവ് ബാധകമാണ്.
നികുതി പാലിക്കൽ തത്വം ശക്തിപ്പെടുത്തുന്നതിനുള്ള അതോറിറ്റിയുടെ പ്രതിബദ്ധതയും, പിഴകൾ ഒഴിവാക്കുന്നതിന് ടാക്സ് റിട്ടേണുകൾ സമയ പരിധിക്കുള്ളിൽ സമർപ്പിക്കേണ്ടതിന്റെ പ്രാധാന്യത്തെ കുറിച്ചും ജനറൽ ടാക്സ് അതോറിറ്റിയിലെ ടാക്സ് പേയേഴ്സ് സർവീസ് ഡിപ്പാർട്ട്മെന്റ് ഡയറക്ടർ ജാസിം മുഹമ്മദ് അൽ കരാനി പറഞ്ഞു. നികുതിദായകരുടെ സേവന വകുപ്പ് പൂർണ്ണമായി സജ്ജമാണെന്നും, 16565 എന്ന നമ്പറിൽ കോൾ സെന്ററിൽ ബന്ധപ്പെട്ടോ അല്ലെങ്കിൽ support@dhareeba.qa എന്ന ഇമെയിൽ വഴിയോ പൊതുജനങ്ങളുടെ പ്രശ്നങ്ങൾ പരിഹരിക്കുന്നതിന് വകുപ്പ് തയ്യാറാണെന്നും അദ്ദേഹം കൂട്ടിച്ചേർത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F