December 26, 2023
December 26, 2023
ദോഹ/ കാഠ്മണ്ഡു: നേപ്പാളിലെ വിവിധ ബാങ്കുകളില് നിന്ന് ലക്ഷങ്ങള് തട്ടിയെടുത്ത കേസിലെ പ്രതി ഇന്റര്പോളിന്റെ സഹായത്തോടെ ഖത്തറില് പിടിയിലായി. നേപ്പാളിലെ ധനുഷ ജില്ലയില് നിന്നുള്ള 44-കാരന് രജീന്ദ്ര പാസ്മാനാണ് പിടിയിലായത്. ഇയാള്ക്കെതിരെ ഇന്റര്പോള് റെഡ് നോട്ടീസ് പുറപ്പെടുവിച്ചിരുന്നു. ഖത്തറില് പിടിയിലായ കുറ്റവാളിയെ കഴിഞ്ഞ ദിവസം നേപ്പാള് പോലീസിന് കൈമാറിയാതായി നേപ്പാള് പോലീസ് വക്താവ് ഡിഐജി കുബേര് കടയാത് പറഞ്ഞു.
നേപ്പാളിലെ മച്ചാപുച്രെ ബാങ്കിലെ വിവിധ അക്കൗണ്ടുകളില് നിന്നാണ് പാസ്മാനും സംഘവും ചേര്ന്ന് പണം തട്ടിയത്. ഏകദേശം ഒന്പത് ലക്ഷത്തോളം നേപ്പാള് രൂപ തട്ടിയെടുത്തതായാണ് കേസ്. വിവിധ ബാങ്കുകളില് നിന്നുള്ള എടിഎം കാര്ഡുകള് ഉപയോഗിച്ചാണ് പണം തട്ടിയെടുത്തത്. തട്ടിപ്പിന് പിന്നാലെ പണവുമായി ഇയാള് ഒളിവില് പോയി. തുടര്ന്ന് നടത്തിയ അന്വേഷണത്തില് പാസ്മാന് ഖത്തറില് ജോലിചെയ്യുന്നതായി കണ്ടെത്തുകയും ഇന്റര്പോളിന്റെ സഹായത്തോടെ പിടികൂടുകയുമായിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F