September 19, 2023
September 19, 2023
ദോഹ : ഖത്തറിൽ ഇന്ത്യന് എംബസിയുടെ സ്പെഷ്യല് കോണ്സുലാര് ക്യാമ്പ് സെപ്തംബര് 22 ന് മിസൈദിൽ നടക്കും. അംവാജ് എംജിവി 2 ക്യാമ്പിലാണ് കോണ്സുലാര് ക്യാമ്പ് നടക്കുക. ഇന്ത്യന് എംബസിയും ഐസിബിഎഫും സംയുക്തമായാണ് ക്യാമ്പ് സംഘടിപ്പിക്കുന്നത്.
ഒക്ടോബർ 22 (വെള്ളിയാഴ്ച) രാവിലെ 9 മുതൽ 11 വരെയാണ് ക്യാമ്പ് നടക്കുക. എന്നാൽ രാവിലെ 8 മണി മുതല് തന്നെ ഓണ് ലൈനില് അപേക്ഷ പൂരിപ്പിക്കുന്നതിനുള്ള സഹായം ലഭ്യമായിരിക്കുമെന്നും, സേവനം ആവശ്യമുള്ളവർ മതിയായ രേഖകളുടെ പകർപ്പ് കൊണ്ടുവരണമെന്നും ഐസിബിഎഫ് വാർത്താക്കുറിപ്പിൽ അറിയിച്ചു.
പാസ്പോർട്ട് പുതുക്കൽ, അറ്റസ്റ്റേഷൻ മറ്റ് എംബസ്സി സേവനങ്ങൾ എന്നിവയ്ക്ക് ക്യാമ്പിൽ സൗകര്യമുണ്ടാകും. മിസൈദിലും സമീപ പ്രദേശങ്ങളിലും താമസിക്കുന്ന ഇന്ത്യക്കാര്ക്ക് ദോഹയില് വരാനും ഇന്ത്യന് എംബസി കോണ്സുലാര് സേവനങ്ങള് പ്രയോജനപ്പെടുത്തുന്നതിനുമുള്ള പ്രയാസം പരിഗണിച്ചാണ് മിസൈദിൽ കോണ്സുലാര് ക്യാമ്പൊരുക്കുന്നത്. തൊഴിലാളികളുടെ പ്രശ്നങ്ങള് അധികൃതരുടെ ശ്രദ്ധയില് കൊണ്ടുവരുന്നതിനും സൗകര്യമുണ്ടാകും.
കൂടുതല് വിവരങ്ങള്ക്ക് 70462114, 66100744 എന്നീ നമ്പറുകളില് ബന്ധപ്പെടാം.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G