January 16, 2024
January 16, 2024
ദോഹ: എഎഫ്സി ഏഷ്യൻ കപ്പിന്റെ സ്റ്റേഡിയങ്ങളിൽ പുകവലിക്ക് നിരോധനമേര്പ്പെടുത്തി. പുകവലി അനുവദിക്കില്ലെന്നും പുകയിലരഹിത നയത്തിന്റെ ഭാഗമായാണ് നടപടിയെന്നും എഎഫ്സി പ്രദേശിക സംഘാടക സമിതി അറിയിച്ചു. പ്രാദേശിക സംഘാടക കമ്മിറ്റിയും പൊതുജനാരോഗ്യ മന്ത്രാലയവും ചേർന്നാണ് നടപടികൾ സ്വീകരിക്കുന്നത്. എന്നാൽ സ്റ്റേഡിയങ്ങൾക്ക് പുറത്ത് പുകവലിക്കാനുള്ള ഇടങ്ങൾ അനുവദിക്കും.
എല്ലാ ആരാധകർക്കും ടൂർണമെന്റ് ആസ്വദിക്കാനുള്ള സാഹചര്യം ഉറപ്പാക്കുമെന്ന് സംഘാടക സമിതിയിലെ സസ്റ്റെയ്നബിലിറ്റി കമ്യൂണിക്കേഷൻ ആൻഡ് സ്റ്റേക്ക്ഹോൾഡർ മാനേജർ ജാസിം അൽ ജെയ്ദ വ്യക്തമാക്കി. മത്സരങ്ങൾക്കിടയിൽ ആരാധകർ സ്റ്റേഡിയങ്ങളുടെ അകത്ത് പുകവലിക്കുന്നുണ്ടോയെന്ന് പൊതുജനാരോഗ്യ മന്ത്രാലയത്തിലെ ഉദ്യോഗസ്ഥർമാർ നിരീക്ഷിക്കും. പുകവലിയുടെ അപകടസാധ്യതകളെക്കുറിച്ചുള്ള ബോധവൽക്കരണ അടയാള ബോർഡുകളും വേദികളിലുടനീളം സ്ഥാപിക്കും.
ഇത് മൂന്നാം തവണയാണ് എ.എഫ്.സി ഏഷ്യൻ കപ്പിന് ഖത്തർ ആതിഥേയത്വം വഹിക്കുന്നത്. രാജ്യത്തുടനീളമായി 9 സ്റ്റേഡിയങ്ങളിൽ 51 മത്സരങ്ങളാണുള്ളത്. ഫെബ്രുവരി 10നാണ് ഫൈനൽ. 2022 ൽ ഖത്തർ ആതിഥേയത്വം വഹിച്ച ഫിഫ ലോകകപ്പിലും സ്റ്റേഡിയങ്ങൾ പുകവലിരഹിതമായിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F