January 15, 2024
January 15, 2024
ദോഹ: ഗസയിൽ നിന്ന് വൈദ്യചികിത്സയ്ക്കായി ഫലസ്തീനികളുടെ ഏഴാമത്തെ സംഘം ഇന്ന് (തിങ്കൾ) ഖത്തറിലെത്തി. ഖത്തർ അന്താരാഷ്ട്ര സഹകരണ സഹമന്ത്രി ലോൽവ അൽ ഖാതർ ഇക്കാര്യം എക്സിലോടെ അറിയിച്ചു. ജനുവരി 11നാണ് ഗസയിൽ നിന്ന് ഫലസ്തീനികളുടെ ആറാമത്തെ സംഘം ഖത്തറിലെത്തിയത്. ഇറ്റലി, ഫ്രാൻസ് രാജ്യങ്ങളുടെ സഹകരണത്തിലും ഏകോപനത്തിലുമാണ് ആറാമത്തെയും ഏഴാമത്തെയും ബാച്ചിനെ ഖത്തറിൽ സ്വീകരിച്ചത്. ഗസ മുനമ്പിൽ നിന്ന് പരിക്കേറ്റവരെ എൽ അരിഷിലെ (ഈജിപ്ത്) ഇറ്റാലിയൻ ഫ്രഞ്ച് ആശുപത്രികളിലേക്കും തുടർന്ന് ദോഹയിലേക്കും എത്തിക്കുകയായിരുന്നു.
The 7th group of injured Palestinians from #Gaza ???????? arrived in Qatar ???????? in Cooperation with France. Both Italy ???????? and France???????? have established hospital ships in Al-Arish to help the injured and the patients coming out of Gaza. We greatly appreciate this step and highly value our… https://t.co/e2SEykzC3m pic.twitter.com/EUlU9l7u3V
— لولوة الخاطر Lolwah Alkhater (@Lolwah_Alkhater) January 15, 2024
ഗതാഗത സൗകര്യത്തിന് സഹായം നൽകിയ ഈജിപ്തിന് ഖത്തർ വിദേശകാര്യ മന്ത്രാലയത്തിലെ അന്താരാഷ്ട്ര സഹകരണ സഹമന്ത്രിയുടെ ഓഫീസ് ഡയറക്ടർ ഹമദ് യൂസഫ് അൽ മാലികി നന്ദി പറഞ്ഞു.
ഗസയില് പരിക്കേറ്റ 1500 ഫലസ്തീനികൾക്ക് ചികിത്സയും, ഗസയില് അനാഥരായ 3000 പേരുടെ സ്പോണ്സര്ഷിപ്പും ഏറ്റെടുക്കുമെന്ന് ഖത്തർ അമീര് ഷെയ്ഖ് തമീം ബിന് ഹമദ് അല്താനി പ്രഖ്യാപിച്ചിരുന്നു. ഗസയിലെ ഫലസ്തീന് ജനതയ്ക്ക് സഹായം നല്കുന്നതിന്റെ ഭാഗമായാണ് നടപടി. അതേസമയം, ഗസയിൽ നിന്ന് ചികിത്സയ്ക്കായി ഖത്തറിലെത്തിച്ചവരുടെ എണ്ണമോ, ചികിത്സ നൽകുന്ന ആരോഗ്യ സ്ഥാപനങ്ങളെ കുറിച്ചുള്ള വിവരങ്ങളോ അധികൃതർ ഇതുവരെ പുറത്തുവിട്ടിട്ടില്ല.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F