November 15, 2023
November 15, 2023
പ്രവാസി കേരളീയരുടെ മക്കളുടെ ഉന്നത വിദ്യാഭ്യാസത്തിന് നോര്ക്ക-റൂട്ട്സ് ഡയറക്ടേഴ്സ് നല്കുന്ന സ്കോളര്ഷിപ്പിന് അപേക്ഷ ക്ഷണിച്ചു. 2023 ഡിസംബര് 7 വരെ സ്കോളര്ഷിപ്പിനുള്ള അപേക്ഷകള് സ്വീകരിക്കുമെന്ന് നോര്ക്ക റൂട്സ് ചീഫ് എക്സിക്യൂട്ടീവ് ഓഫീസര് കെ.ഹരികൃഷ്ണന് നമ്പൂതിരി അറിയിച്ചു.സാമ്പത്തികമായി പിന്നാക്കം നില്ക്കുന്ന കുറഞ്ഞത് രണ്ടു വര്ഷമെങ്കിലും വിദേശത്ത് ജോലി ചെയ്തിട്ടുള്ള പ്രവാസി കേരളീയരുടെ മക്കള്ക്കും രണ്ടു വര്ഷമെങ്കിലും വിദേശത്ത് ജോലി ചെയ്ത് തിരികെ കേരളത്തിലെത്തിയ മുന് പ്രവാസികളുടെ മക്കള്ക്കും ഉന്നത വിദ്യാഭ്യാസത്തിന് ധനസഹായം നല്കുന്നതാണ് പദ്ധതി.
ബിരുദ ബിരുദാാനന്തര കോഴ്സുകള്ക്കും പ്രൊഫഷണല് ഡിഗ്രി കോഴ്സുകള്ക്കും 2023-24 അധ്യായന വര്ഷം ചേര്ന്ന വിദ്യാര്ത്ഥികള്ക്കാണ് സ്കോളര്ഷിപ്പ് ലഭിക്കുക. റെഗുലര് കോഴ്സുകള്ക്കും കേരളത്തിലെ സര്വ്വകലാശാലകള് അംഗീകരിച്ച കോഴ്സുകള്ക്കും അംഗീകൃത വിദ്യാഭ്യാസ സ്ഥാപനങ്ങളില് പഠിക്കുന്നവര്ക്കുമാണ് സ്കോളര്ഷിപ്പിന് അര്ഹതയുള്ളത്. പഠിക്കുന്ന കോഴ്സിന് വേണ്ടിയുള്ള യോഗ്യത പരീക്ഷയില് കുറഞ്ഞത് 60 ശതമാനം മാര്ക്ക് കരസ്ഥമാക്കിയിരിക്കണം.
നോര്ക്കാ റൂട്ട്സിന്റെ www.scholarship.norkaroots.org എന്ന വെബ്സൈറ്റില് ഓണ്ലൈനായാണ് അപേക്ഷ സമര്പ്പിക്കേണ്ടത്. 0471-2770528/2770543/2770500 എന്നീ നമ്പറുകളിലും നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്സ്ഡ് കോള് സര്വ്വീസ്) നിന്നും കൂടാതെ വിശദവിവരങ്ങള് ലഭിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F