February 19, 2024
February 19, 2024
ദോഹ :ഖത്തറില് പ്രവര്ത്തിക്കുന്ന സംസ്കൃതി സംഘടനയുടെ റയ്യാന് യൂണിറ്റ് സമ്മേളനം സംഘടിപ്പിച്ചു. ന്യൂ സലാത്ത സ്കില്സ് ഡെവലപ്മെന്റ് സെന്ററിലെ മാസ്ട്രോ ഹളില് നടന്ന സമ്മേളനം സംസ്കൃതി സെക്രട്ടറി സാള്ട്ടസ് സാമുവല് ഉത്ഘാടനം ചെയ്തു. യൂണിറ്റ് പ്രസിഡന്റ് അബ്ദുള് ഹക്കീം അധ്യക്ഷത വഹിച്ചു. യൂണിറ്റ് സെക്രട്ടറി മുത്തു ഒറ്റപ്പാലം പ്രവര്ത്തന റിപ്പോര്ട്ട് അവതരിപ്പിച്ചു. സമ്മേളനത്തില് 30 അംഗ എക്സിക്യൂട്ടീവ് കമ്മറ്റി അംഗങ്ങളേയും തിരഞ്ഞെടുത്തു.
സംസ്കൃതി പ്രസിഡന്റ് അഹമ്മദ്കുട്ടി , ജനറല് സെക്രട്ടറി എ കെ ജലീല്, മുന് സെക്രട്ടറിയും പ്രവാസി ക്ഷേമ ബോര്ഡ് ഡയറക്ടറുമായ ഇ എം സുധീര്, ട്രഷറര് ശിവാനന്ദന്, വൈസ് പ്രസിഡന്റ് മനാഫ് ആറ്റുപുറം, വനിത വേദി സെക്രട്ടറി സബീന അസീസ്, മുന് ഭാരവാഹിയും ലോക കേരളസഭ അംഗവുമായ എ സുനില് , കേന്ദ്ര കമ്മിറ്റി അംഗം അനിഷ് വി എം എന്നിവര് ആശംസകള് അറിയിച്ചു. പുതിയ ഭാരവാഹികളേയും ചടങ്ങില് തിരഞ്ഞെടുത്തു. പ്രസിഡന്റായി സിദ്ധീഖ് കെ.കെ., സെക്രട്ടറിയായി സതീഷ് കണ്ണൂര്, വൈസ് പ്രസിഡന്റുമാരായി മുഹസിന്, സുനില്കുമാര്, ഉമ്മു സുഫിയാനത്ത്, ജോയിന്റ് സെക്രട്ടറിമാരായി ആബിദ് പാവറട്ടി , പ്രദീഷ് ആലക്കാട് , സജിന ഫസലുദ്ധീന് എന്നിവരെ സമ്മേളനം തിരഞ്ഞെടുത്തു.
സജീന ഫസലുദ്ധീന് അനുശോചന പ്രമേയവും മുഹ്സിന് സ്വാഗതവും സുനില് കുമാര് നന്ദിയും രേഖപ്പെടുത്തി. സമ്മേളന സമാപനത്തില് യൂണിറ്റ് അംഗങ്ങള് അവതരിപ്പിച്ച മുട്ടിപ്പാട്ടും കരോക്കെ ഗാനമേളയും അരങ്ങേറി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F