January 11, 2024
January 11, 2024
ദോഹ: 'വിഭവം കരുതണം വിപ്ലവമാകണം' എന്ന പ്രമേയത്തിൽ രിസാല സ്റ്റഡി സർക്കിളിന്റെ (ആർ.എസ്. സി) മുപ്പതാം വാർഷികാഘോഷ പരിപാടികളുടെ ഭാഗമായി യൂത്ത് കോൺഫെറൻസിയകൾക്ക് ഖത്തറിൽ തുടക്കമായി. പ്രമുഖ സാഹിത്യകാരൻ കെ.പി രാമനുണ്ണി ഓൺലൈൻ വഴിയാണ് ആദ്യ സമ്മേളനം ഉദ്ഘാടനം ചെയ്തത്. അസീസിയ സോണിലെ സെൻട്രൽ മാർക്കറ്റ് യൂനിറ്റിലാണ് ആദ്യ സമ്മേളനം നടന്നത്.
'മനുഷ്യന്റെ നാനോന്മുഖ വളർച്ചക്കും വികാസത്തിനും വിഭവങ്ങളെ കരുതലോടെ ഉപയോഗിക്കണമെന്നും, ധൂർത്തും ദുരുപയോഗവും ഒഴിവാക്കി വരും തലമുറക്ക് വേണ്ടി ബാക്കി വെക്കാൻ മനുഷ്യർ തയ്യാറാകണമെന്നും രാമനുണ്ണി അഭിപ്രായപ്പെട്ടു.
മുപ്പതാം വാർഷികത്തിന്റെ ഭാഗമായി "ഒരു ലക്ഷം മനുഷ്യരെ കേൾക്കുന്നു" എന്ന ശീർഷകത്തിൽ നടന്ന സർവേയുടെ അവലോകന റിപ്പോർട്ട് അസീസിയ സോൺ എക്സിക്യൂട്ടീവ് സെക്രട്ടറി അഷറഫ് നരിപ്പറ്റ അവതരിപ്പിച്ചു. അസീസിയ, എയർപോർട്ട്, ദോഹ, നോർത്ത് എന്നീ സോണുകളിലെ പത്തു കേന്ദ്രങ്ങളിൽ കഴിഞ്ഞ ദിസങ്ങളിൽ നടന്ന സമ്മേളനങ്ങൾ ആരിഫ് എം പി, ഇ ടി മുഹമ്മദ് ബഷീർ എം പി, നജീബ് കാന്തപുരം, അബ്ദുൽ കാലം മാവൂർ തുടങ്ങിയവർ വെർച്വൽ സംവിധാനത്തിലൂടെ ഉദ്ഘാടനം ചെയ്തു. ഖത്തറിലെ വിവിധ പ്രവാസി സംഘടന പ്രതിനിധികളും സമ്മേളത്തിൽ പങ്കെടുത്തിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F