November 28, 2023
November 28, 2023
ദോഹ: ഖത്തറിലെ സബാഹ് അല് അഹമ്മദ് റോഡ് താല്ക്കാലികമായി അടക്കുന്നതായി പൊതുമരാമത്ത് വകുപ്പ് (അഷ്ഗാല്) അറിയിച്ചു. ഡിസംബര് 1, വെള്ളിയാഴ്ച പുലര്ച്ചെ 1 മണിമുതല് രാവിലെ 10 മണിവരെ യാണ് റോഡ് അടയ്ക്കുന്നത്. ഒന്പത് മണിക്കൂര് സമയത്തേക്കാണ് റോഡില് ഗതാഗത നിയന്ത്രണം. ഹമദ് അന്താരാഷ്ട്ര വിമാനത്താവളത്തിലേക്കുള്ള ഉമ്മു ലെഖ്ബ ഇന്റര്ചേഞ്ച് അണ്ടര്പാസില് നിന്ന് താനി ബിന് ജാസിം ഇന്റര്ചേഞ്ച് അണ്ടര്പാസിലേക്കുള്ള റോഡാണ് താല്ക്കാലികമായി അടച്ചത്.
സര്വീസ് റോഡുകളിലും താനി ബിന് ജാസിം ഇന്റര്ചേഞ്ച് സിഗ്നലുകളിലും ഗതാഗതം അനുവദിക്കും. അതേസമയം അല് ഷമാലില് നിന്ന് ഹമദ് അന്താരാഷ്ട്ര വിമാനത്താവളത്തിലേക്കുള്ള ഉംലേഖ്ബ ഇന്റര്ചേഞ്ചിലെ മേല്പ്പാലം താല്ക്കാലിമായി അടച്ചിടും.
അല് ഷമാലില് നിന്നോ അല് മര്ഖിയയില് നിന്നോ വരുന്ന യാത്രക്കാര് ദുഹൈല് ഇന്റര്ചേഞ്ചിലൂടെ സഞ്ചരിക്കണം. ദോഹയില് നിന്ന് സബാഹ് അല് അഹമ്മദ് ഇടനാഴിയിലേക്ക് പോകുന്ന യാത്രക്കാര് സബാഹ് അല് അഹമ്മദ് ഇടനാഴിയിലൂടെയുള്ള റോഡുകളിലൂടെ ഉമ്മു ലെഖ്ബ ഇന്റര്ചേഞ്ചിലേക്ക് വഴിതിരിഞ്ഞ് പോകണമെന്നും അധികൃതര് അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F