March 11, 2024
March 11, 2024
ദോഹ: റമദാൻ മാസത്തിൽ ഖത്തർ ഇസ്ലാമിക് ബാങ്ക് (ക്യുഐബി) ശാഖകളുടെ പ്രവർത്തന സമയം പ്രഖ്യാപിച്ചു.
അൽ ഗരാഫ (ക്യു. മാൾ), ദോഹ ഫെസ്റ്റിവൽ സിറ്റി, മാൾ ഓഫ് ഖത്തർ, തവാർ മാൾ, പ്ലേസ് വെൻഡോം മാൾ, സിറ്റി സെൻ്റർ, ദാർ അൽ സലാം എന്നിവിടങ്ങളിലെ ക്യുഐബിയുടെ ശാഖകൾ ശനി മുതൽ വ്യാഴം വരെ രാവിലെ 10 മണി മുതൽ ഉച്ചയ്ക്ക് 2:30 വരെയും, രാത്രി 8:30 മുതൽ രാത്രി 11:30 വരെയും പ്രവർത്തിക്കും. വെള്ളിയാഴ്ചകളിൽ, രാത്രി 8:30 മുതൽ രാത്രി 11:30 വരെ മാത്രമാണ് പ്രവർത്തിക്കുക.
ഗ്രാൻഡ് ഹമദ് സ്ട്രീറ്റ്, അൽ ഫനാർ, ഓൾഡ് എയർപോർട്ട് സ്ട്രീറ്റ്, അൽ റയ്യാൻ, അൽ സദ്ദ്, സി-റിങ് തമയൂസ് സെൻ്റർ, അൽ ഖോർ, സൽവ റോഡ്, ആരോഗ്യ മന്ത്രാലയം, മിസൈദ്, ഇൻഡസ്ട്രിയൽ ബ്രാഞ്ച്, അൽ-ഷഹാനിയ, അൽ ജസീറ മീഡിയ നെറ്റ്വർക്ക്, ഖത്തർ എനർജി എന്നിവിടങ്ങളിലെ കോർപ്പറേറ്റ് ബ്രാഞ്ച് ഉൾപ്പെടെയുള്ള മറ്റ് ശാഖകൾക്ക് ഞായർ മുതൽ വ്യാഴം വരെ രാവിലെ 9 മണി മുതൽ ഉച്ചയ്ക്ക് 2 മണി വരെയാണ് പ്രവൃത്തി സമയം. ഈ ശാഖകൾക്ക് വെള്ളി, ശനി ദിവസങ്ങളിൽ അവധിയായിരിക്കും.
കോർപ്പറേറ്റ്, എസ്എംഇ ഉപഭോക്താക്കൾക്ക് ഞായർ മുതൽ വ്യാഴം വരെ രാവിലെ 9 മണി മുതൽ ഉച്ചയ്ക്ക് 2 മണി വരെ ഗ്രാൻഡ് ഹമദ് സ്ട്രീറ്റ് ശാഖ സന്ദർശിക്കാം. പണമിടപാടും ചെക്കുകളുടെ ഇടപാടുകളും സൽവ റോഡ്, അൽ റയ്യാൻ ശാഖകളിൽ നടത്താം.
കൂടാതെ, സി-റിംഗ് റോഡ്, അൽ ഫനാർ, വേജ് പ്രൊട്ടക്ഷൻ സിസ്റ്റം (ഡബ്ല്യു.പി.എസ്) സെൻ്റർ എന്നിവിടങ്ങളിലെ സേവന കേന്ദ്രങ്ങൾ ഞായർ മുതൽ വ്യാഴം വരെ രാവിലെ 9 മണി മുതൽ ഉച്ചയ്ക്ക് 2 മണി വരെ തുറന്നിരിക്കും. സി-റിംഗ് സെൻ്റർ രാത്രി 8:30 മുതൽ രാത്രി 11:30 വരെയും പ്രവർത്തിക്കും. എല്ലാ സേവന കേന്ദ്രങ്ങൾക്കും വെള്ളി, ശനി ദിവസങ്ങളിൽ അവധിയായിരിക്കും.
ഇൻ്റർനെറ്റ് ബാങ്കിംഗ് പ്ലാറ്റ്ഫോമുകൾ, ക്യുഐബി മൊബൈൽ ആപ്പ്, ക്യുഐബി ലൈറ്റ് ആപ്പ്, 4444 8444 എന്ന നമ്പറിലെ കോൾ സെൻ്ററുകൾ, എടിഎമ്മുകൾ, ക്യാഷ് ഡെപ്പോസിറ്റ് മെഷീനുകൾ തുടങ്ങിയവ ബാധിക്കില്ല.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F