February 10, 2024
February 10, 2024
ദോഹ: എ.എഫ്.സി ഏഷ്യൻ കപ്പ് ഫൈനലിൽ ഖത്തറിന് വിജയം. 3-1 എന്ന സ്കോറിനാണ് ജോർദാനെ പരാജയപ്പെടുത്തിയത്. ഇന്ന് (ശനി) വൈകിട്ട് 6ന് ലുസൈൽ സ്റ്റേഡിയത്തിലായിരുന്നു മത്സരം.
മത്സരത്തിന്റെ 22-ാം മിനിറ്റിൽ പെനാൽറ്റിയിലൂടെ ഖത്തറിന്റെ അക്രം അഫീഫ് ഗോൾ നേടി. 67-ാം മിനിറ്റിൽ ജോർദാന്റെ വൈ.അൽനൈമത്ത് ഒരു ഗോളടിച്ച് സമനില പിടിച്ചു. എന്നാൽ 73-ാം മിനിറ്റിലും 90+5 മിനിറ്റിലും പെനാൽറ്റിയിലൂടെ അക്രം അഫീഫ് തന്നെ രണ്ട് ഗോളുകൾ അടിച്ചതോടെ എ.എഫ്.സി ഏഷ്യൻ കപ്പ് ട്രോഫി അൽ അന്നാബി സ്വന്തമാക്കി. 2019 ഏഷ്യൻ കപ്പ് ട്രോഫിയും ഖത്തർ തന്നെയാണ് നേടിയത്.
പ്ലെയർ ഓഫ് ദി മാച്ചായി അക്രം അഫീഫും, ബെസ്റ്റ് ഗോൾകീപ്പറായി ബർഷാമും അവാർഡുകൾ നേടി. കൂടാതെ, മോസ്റ്റ് ഫെയർ പ്ലെയറായി ടീം ക്യാപ്റ്റൻ ഹസ്സൻ അൽ ഹൈദോസിനെ തെരഞ്ഞെടുത്തു. മോസ്റ്റ് വാല്യുബിൾ പ്ലെയർ ഓഫ് ദി മാച്ചും അക്രം അഫീഫ് തന്നെയാണ്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F