January 29, 2024
January 29, 2024
ദോഹ: എ.എഫ്.സി ഏഷ്യൻ കപ്പിൽ ഖത്തറിന് വീണ്ടും ജയം. 2-1 എന്ന സ്കോറിനാണ് ഫലസ്തീനെതിരെ ഖത്തർ വിജയിച്ചത്. ഇന്ന് (തിങ്കൾ) രാത്രി 7ന് അൽ ബെയ്ത് സ്റ്റേഡിയത്തിലായിരുന്നു മത്സരം. ഇതോടെ ഫലസ്തീനെ പുറത്താക്കി ഖത്തർ ക്വാർട്ടർ ഫൈനൽ മത്സരത്തിന് യോഗ്യത നേടി.
മത്സരത്തിന്റെ 37-ാം മിനിറ്റിൽ ഫലസ്തീന്റെ ഒ.ദബാഗ് ഗോളടിച്ചു.
ഖത്തറിന് വേണ്ടി പെനാൽറ്റിയിലൂടെ അക്രം അഫീഫ് (49-ാം മിനിറ്റിൽ) ഗോളടിച്ചു. തുടർന്ന് ടീം ക്യാപ്റ്റൻ ഹസ്സൻ അൽ ഹൈദോസ് 45+6 മിനിറ്റിൽ വീണ്ടും ഗോൾ സ്വന്തമാക്കി.
എ.എഫ്.സിയുടെ മൂന്ന് ഗ്രൂപ്പ് മത്സരത്തിലും ഖത്തർ തന്നെയാണ് വിജയിച്ചത്. ലബനാനെ 3-0ന് തോൽപ്പിച്ചായിരുന്നു ഖത്തറിന്റെ ആദ്യ ജയം. തുടർന്ന് രണ്ടാമത്തെ ഗ്രൂപ്പ് മത്സരത്തിൽ തജികിസ്ഥാനെയും മൂന്നാമത്തെ മത്സരത്തിൽ ചൈനയെയും 1-0 എന്ന സ്കോറിന് ഇരുടീമുകളെയും ഖത്തർ പരാജയപ്പെടുത്തുകയായിരുന്നു.
അതേസമയം, നാളെ (ചൊവ്വ) അൽ ജനൂബ് സ്റ്റേഡിയത്തിൽ ഉച്ചക്ക് 2:30ന് തായ്ലൻഡിനെതിരെ ഉസ്ബെക്കിസ്ഥാനും, എജ്യൂക്കേഷൻ സിറ്റി സ്റ്റേഡിയത്തിൽ രാത്രി 7ന് കൊറിയക്കെതിരെ സൗദിയും മത്സരിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F