December 02, 2023
December 02, 2023
ദോഹ: ഖത്തറിന്റെ ദേശീയ ദിനാഘോഷത്തിൽ പങ്കെടുക്കാൻ 68 കാരനായ ഒമാനി കാൽനടയായി 30 ദിവസത്തെ യാത്ര പൂർത്തിയാക്കി. മതാർ ബിൻ ഫൈറൂസ് അൽ ഹൊസാനി എന്ന ഒമാനിയാണ് ഈ ചരിത്ര നേട്ടം സ്വന്തമാക്കിയത്.
ഒക്ടോബർ 29 ന് ഒമാനിലെ സുൽത്താനേറ്റിലെ വിലായത്ത് അൽ-ഖബൂറയിൽ നിന്നാണ് അൽ ഹൊസാനി ട്രെക്കിംഗ് ആരംഭിച്ചത്. 30 ദിവസത്തിലധികം നീണ്ട കാൽനട യാത്രയിൽ യുണൈറ്റഡ് അറബ് എമിറേറ്റുകളും സൗദി അറേബ്യയും കടന്ന് അദ്ദേഹം ഖത്തറിലെത്തി.
"ഞാൻ എന്നെ മാത്രമല്ല പ്രതിനിധീകരിക്കുന്നത്, ഒമാനി ജനതയെയാണ് ഞാൻ പ്രതിനിധീകരിക്കുന്നത്. ഒമാനി ജനതയിൽ നിന്ന് നമ്മുടെ ഖത്തറി സഹോദരങ്ങൾക്ക് സമാധാനത്തിന്റെയും സ്നേഹത്തിന്റെയും ബഹുമാനത്തിന്റെയും സന്ദേശം കൊണ്ടുവന്നതാണ്. ഈ യാത്ര തന്റെ വ്യക്തിപരമായ നേട്ടത്തിനല്ല; മറിച്ച് ഒമാനിലെയും ഖത്തറിലെയും ജനങ്ങൾ തമ്മിലുള്ള ആഴത്തിലുള്ള ബന്ധത്തിന്റെ തെളിവാണ് അത്," അൽ ഹൊസാനി പറഞ്ഞു.
"ഖത്തർ ദേശീയ ദിനാഘോഷ വേളയിൽ എന്റെ ഖത്തറി സഹോദരങ്ങളോടും ജനങ്ങളോടും ഒപ്പം ചേരാൻ കഴിയുന്നത് അഭിമാനകരമാണ്, ”അദ്ദേഹം തംകീൻ സ്പോർട്സ് അക്കാദമിയോട് പറഞ്ഞു.
“എന്റെ യാത്രയും സന്ദേശവും യുവാക്കളെ സ്വയം വിശ്വസിക്കാൻ പ്രേരിപ്പിക്കുമെന്ന് ഞാൻ പ്രതീക്ഷിക്കുന്നു, പ്രായം ഒരു സംഖ്യ മാത്രമാണ്. ഞാൻ ഇതുവരെ അവസാനിപ്പിച്ചിട്ടില്ല; ഇത് എന്റെ തുടക്കം മാത്രമാണ്."” അൽ ഹുസാനി ഊന്നിപ്പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F