March 26, 2024
March 26, 2024
ദോഹ: ഗസയിൽ 'ഫീഡ് ദി ഫാസ്റ്റിംഗ്' പദ്ധതി നടപ്പിലാക്കാൻ ഖത്തർ ചാരിറ്റി (ക്യുസി). 'എൻഡ്‌ലെസ് ഗിവിംഗ്' എന്ന റമദാൻ കാമ്പെയ്‌നിൻ്റെ ഭാഗമായാണ് പദ്ധതി നടപ്പാക്കുന്നത്. ഭക്ഷണം, ഫുഡ് പാക്കേജുകൾ, ധാന്യപ്പൊടി എന്നിവ വിതരണം ചെയ്യും. ഭക്ഷണസാധനങ്ങളുടെ കടുത്ത ക്ഷാമവും, വിശുദ്ധ മാസത്തിൽ നോമ്പ് തുറക്കുന്നതിനുള്ള സൗകര്യങ്ങളുടെ അഭാവവും കാരണം ദുരിതമനുഭവിക്കുന്ന ഗസയിലെ ജനങ്ങളുടെ ദുരിതം ലഘൂകരിക്കുക എന്നതാണ് 'ഫീഡ് ദി ഫാസ്റ്റിംഗ്' പദ്ധതി ലക്ഷ്യമിടുന്നത്. ഗസയിൽ ഒക്‌ടോബർ മുതൽ ഖത്തർ ചാരിറ്റിയുടെ നേതൃത്വത്തിൽ നടത്തിവരുന്ന മാനുഷിക പ്രവർത്തനങ്ങളുടെ തുടർച്ചയാണ് പുതിയ സംരംഭമെന്നും ക്യു.സി വ്യക്തമാക്കി.
ഏകദേശം 300,000 ആളുകൾക്കാണ് ഇതുവരെ പദ്ധതിയിലൂടെ പ്രയോജനം നേടിയത്. റമദാനിൽ കൂടുതൽ സഹായം വിതരണം ചെയ്യുമെന്ന് പ്രതീക്ഷിക്കുന്നുവെന്നും ക്യുസി പറഞ്ഞു. ഇതുവരെ, 12,000 ഭക്ഷണ കൊട്ടകളും 13,200 ചാക്ക് മാവും നൽകിയിട്ടുണ്ട്. കൂടാതെ, റെഡി-ടു ഈറ്റ് ഭക്ഷണങ്ങളും വിതരണം ചെയ്യുന്നുണ്ട്
ഖത്തർ ചാരിറ്റിയുടെ ഫീൽഡ് ഓഫീസുകളിലൂടെയും പ്രാദേശിക പങ്കാളികളിലൂടെയും ലോകമെമ്പാടുമുള്ള 40 രാജ്യങ്ങളിലാണ് ഖത്തർ ചാരിറ്റി റമദാൻ പദ്ധതികൾ നടപ്പിലാക്കുന്നത്. ഫലസ്തീൻ, സിറിയ, സൊമാലിയ, യെമൻ, ബംഗ്ലാദേശ് എന്നിവിടങ്ങളിൽ ശ്രദ്ധ കേന്ദ്രീകരിച്ച്, റോഹിങ്ക്യൻ അഭയാർത്ഥികൾക്ക് ഉൾപ്പെടെ, സകാത്ത്, ഈദ് വസ്ത്രങ്ങൾ എന്നിവ നൽകുന്നതും ക്യു.സിയുടെ റമദാൻ പദ്ധതികളിൽ ഉൾപ്പെടുന്നു.
സംഭാവനയിലൂടെ റമദാൻ മാസം പ്രയോജനപ്പെടുത്താൻ ഖത്തറിലെ അഭ്യുദയകാംക്ഷികളെയും ഖത്തർ ചാരിറ്റി പ്രോത്സാഹിപ്പിക്കുന്നുണ്ട്. ഗസയിലെയും മറ്റ് രാജ്യങ്ങളിലെയും ആളുകൾക്ക്, പ്രത്യേകിച്ച് പ്രതിസന്ധി ബാധിത പ്രദേശങ്ങളിലെ ജനങ്ങൾക്ക് ഇത് ആശ്വാസം നൽകും. ഭക്ഷ്യക്ഷാമം മൂലമുണ്ടാകുന്ന ദുരിതങ്ങൾ ലഘൂകരിക്കുന്നതിന് റെഡി-ടു ഈറ്റ് ഭക്ഷണവും ഭക്ഷണ കൊട്ടകളും നൽകാൻ ഖത്തർ ചാരിറ്റിയെ പൊതുജനങ്ങളോട് അഭ്യർത്ഥിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
