December 03, 2023
December 03, 2023
ദോഹ: ഫലസ്തീനില് സമാധാനം കൈവരിക്കുന്നതു വരെ മധ്യസ്ഥ ചര്ച്ചകള് നിർത്തില്ലെന്ന് ഖത്തര് അമീര് ഷെയ്ഖ് തമീം ബിന് ഹമദ് അല്താനി. അമേരിക്കന് വൈസ് പ്രസിഡന്റ് കമല ഹാരിസുമായി ഫോണില് നടത്തിയ സംഭാഷണത്തിലാണ് അമീർ ഈ കാര്യം വ്യക്തമാക്കിയത്.
ഗസയില് യുദ്ധം അവസാനിപ്പിക്കുന്നതിനും സമാധാനം കൈവരിക്കുന്നതിനും എല്ലാ കക്ഷികളുമായുള്ള മധ്യസ്ഥ ചര്ച്ചകള് തുടരും. മധ്യസ്ഥ ശ്രമങ്ങള്ക്ക് തടസം സൃഷ്ടിക്കുകയും ഗസ മുനമ്പിലെ മനുഷ്യജീവിതം സങ്കീര്ണമാക്കുകയും ചെയ്യുന്നത് ഒഴിവാക്കാന് വെടിനിര്ത്തല് അനിവാര്യമാണെന്നും അമീര് വ്യക്തമാക്കി.
അതേസമയം, ഇസ്രയേലും ഫലസ്തീനും തമ്മിൽ മധ്യസ്ഥ കരാറിലേക്ക് എത്തിച്ചേരുന്നതിനായി ഖത്തര് വഹിക്കുന്ന ശക്തമായ മധ്യസ്ഥ ശ്രമങ്ങളെ വൈസ് പ്രസിഡന്റ് അഭിനന്ദിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F