November 12, 2023
November 12, 2023
ദോഹ: ദുബായ് വേൾഡ് സെന്ററിൽ നടക്കുന്ന ദുബായ് എയർഷോയിൽ സാന്നിധ്യമറിയിക്കാൻ ഖത്തർ എയർവേസും. ബോയിങ് ബി787-9, എയർബസ് എ350-1000, ഗൾഫ്‌ സ്ട്രീം ജി650 ഇ.ആർ എന്നിവയുൾപ്പെടെയുള്ള വിമാനങ്ങളാണ് ദുബായ് എയർഷോയിൽ ഖത്തർ എയർവേസ് പ്രദർശിപ്പിക്കുന്നത്. നവംബർ 13 മുതൽ 17 വരെയാണ് ദുബായ് എയർ ഷോ.
അത്യാധുനിക വിമാനങ്ങൾ പ്രദർശിപ്പിക്കുന്നതിലൂടെ ആഗോള വ്യോമയാന മേഖലയിലെ മുൻനിരക്കാർ എന്ന നിലയിലുള്ള തങ്ങളുടെ സ്ഥാനം ശക്തിപ്പെടുത്താനാണ് ഖത്തർ എയർവേസ് ലക്ഷ്യമിടുന്നത്. വ്യോമയാന മേഖലയിൽ നിന്നുള്ള ലോകോത്തര പ്രദർശകരെയും വ്യവസായ പ്രമുഖരെയും ദുബായ് എയർഷോയിൽ പങ്കെടുപ്പിക്കുന്നതിനാൽ ഇതൊരു മികച്ച അവസരമാണെന്നും ഏറ്റവും നൂതനമായ സാങ്കേതിക വിദ്യകളാൽ സജ്ജീകരിച്ചിരിക്കുന്ന ഞങ്ങളുടെ അത്യാധുനിക, പുതുതലമുറ വിമാനങ്ങളുടെ പ്രദർശനത്തിന് ദുബായ് ഷോ വേദിയാകുമെന്നും ഖത്തർ എയർവേസ് ഗ്രൂപ് സി.ഇ.ഒ ബദർ മുഹമ്മദ് അൽ മീർ പറഞ്ഞു.
നവംബർ 13 മുതൽ 17 വരെ ദുബായ് എയർ ഷോയിലെ ചാലറ്റ് 07-എ08യിലാണ് ഖത്തർ എയർവേസ് പവിലിയൻ.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
