February 26, 2024
February 26, 2024
ദോഹ: സൗത്ത് ഗോവയിലെ ദബോലിം എയർപോർട്ടിൽ നിന്ന് (GOI) വടക്കൻ ഗോവ ജില്ലയിൽ സ്ഥിതി ചെയ്യുന്ന മനോഹർ ഇൻ്റർനാഷണൽ എയർപോർട്ടിലേക്ക് (GOX) ഖത്തർ എയർവേസിന്റെ സർവീസ് മാറ്റുന്നതായി അധികൃതർ പ്രഖ്യാപിച്ചു. 2024 ജൂൺ 20 മുതൽ പുതിയ സർവീസ് ആരംഭിക്കും. എയർബസ് 320 ബോയിംഗ് 787 എന്നീ വിമാനങ്ങളാണ് സർവീസ് നടത്തുന്നത്.
ഖത്തറില് നിന്ന് പ്രാദേശിക സമയം രാത്രി 7:40ന് പുറപ്പെടുന്ന വിമാനം പുലര്ച്ചെ 1:55 ന് ഗോവയിൽ എത്തും. 522 ഖത്തർ റിയാലാണ് ടിക്കറ്റ് നിരക്ക്. ഗോവയിൽ നിന്ന് വൈകിട്ട് 3:40 ന് പുറപ്പെടുന്ന വിമാനം വൈകിട്ട് 5 മണിക്ക് ദോഹയില് തിരിച്ചെത്തും. 523 ഖത്തർ റിയാലാണ് ടിക്കറ്റ് നിരക്ക്.
അത്യാധുനിക ഇൻഫ്രാസ്ട്രക്ചറും ഹോട്ടലുകളും പൊതുഗതാഗത സൗകര്യങ്ങളും ഉള്ളതിനാൽ, പുതിയ വിമാനത്താവളം യാത്രക്കാർക്ക് മെച്ചപ്പെട്ട അനുഭവം നൽകും. 2009ലാണ് ആദ്യമായി ഗോവയിൽ ഖത്തർ എയർവേയ്സ് സർവീസ് ആരംഭിച്ചത്.
കോഴിക്കോട്, കൊച്ചി, തിരുവനന്തപുരം, ചെന്നൈ, ബെംഗളൂരു, അഹമ്മദാബാദ്, അമൃത്സർ, ഡൽഹി, ഗോവ, ഹൈദരാബാദ്, കൊൽക്കത്ത, മുംബൈ, നാഗ്പൂർ, എന്നിവയുൾപ്പെടെ ഇന്ത്യയിലെ 13 ലക്ഷ്യസ്ഥാനങ്ങളിലേക്ക് നിലവിൽ ഖത്തർ എയർവേയ്സ് സർവീസ് നടത്തുന്നുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F