October 23, 2023
October 23, 2023
ദോഹ: ഖത്തർ എയർവേയ്സ് സിഇഒ അക്ബർ അൽ ബേക്കർ രാജിവച്ചു. ഏവിയേഷൻ വിദഗ്ധനായ അലക്സ് മച്ചറസാണ് ഈ കാര്യം എക്സിലൂടെ (ട്വിറ്റർ) അറിയിച്ചത്.
27 വർഷമായി ഖത്തർ എയർവേയ്സ് ഗ്രൂപ്പിനെ മികച്ച രീതിയിൽ മുന്നോട്ട് നയിച്ച അക്ബർ അൽ ബേക്കർ സിഇഒ സ്ഥാനത്ത് നിന്ന് പടിയിറങ്ങും. 2023 നവംബർ 5 മുതൽ തീരുമാനം പ്രാബല്യത്തിൽ വരുമെന്ന് അലക്സ് മച്ചറസ് എക്സിൽ വ്യക്തമാക്കി.
Breaking: After 27 years leading the airline, H.E Akbar Al Baker, CEO of the Qatar Airways Group, is stepping down, effective Nov 5.
— Alex Macheras (@AlexInAir) October 23, 2023
Al Baker told staff “it has been an incredible privilege to lead such an exceptional global team, & the honour of a lifetime to serve my country” pic.twitter.com/NngYJ7MLhP
'ഇത് പോലെ ഒരു അസാധാരണമായ ആഗോള ടീമിനെ നയിക്കാൻ സാധിച്ചതിൽ അഭിമാനമുണ്ട്. അവിശ്വസനീയമായ ഒരു പദവിയായിരുന്നു ഇത്. വർഷങ്ങളായി നിങ്ങൾ എന്നിൽ അർപ്പിക്കുന്ന വിശ്വാസത്തിനും എന്റെ അഗാധമായ നന്ദി പ്രകടിപ്പിക്കാൻ ഞാൻ ആഗ്രഹിക്കുന്നു. എന്റെ രാജ്യത്തെ സേവിക്കാൻ കഴിഞ്ഞതിൽ എനിക്ക് അഭിമാനമുണ്ട്, രാജിക്കത്തിൽ അക്ബർ അൽ ബേക്കർ പറഞ്ഞു.
പുതിയ സി.ഇ.ഓയെ ഖത്തർ എയർവേസ് ചെയർമാൻ പ്രഖ്യാപിക്കുമെന്നും അൽ ബേക്കർ കൂട്ടിച്ചേർത്തു.
അതേസമയം, ഖത്തർ എയർവേസ് സി.ഇ.ഓ സ്ഥാനത്തിന് പുറമെ ഖത്തർ ടൂറിസം ചെയർമാനായും അൽ ബേക്കർ സേവനമനുഷ്ഠിച്ചിരുന്നു. എന്നാൽ, ഇന്നലെയാണ് (ഞായറാഴ്ച്ച) അൽ ബേക്കറിനെ മാറ്റി സാദ് ബിൻ അലി അൽ ഖർജിയെ ഖത്തർ ടൂറിസം ചെയർമാനായി നിയമിച്ചത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F