February 07, 2024
February 07, 2024
ദോഹ- ഗസയിലെ വെടിനിര്ത്തല് കരാറിന് ഹമാസില് നിന്ന് അനുകൂല മറുപടി ലഭിച്ചതായി ഖത്തര് പ്രധാനമന്ത്രി മുഹമ്മദ് ബിന് അബ്ദുല് റഹ്മാന് അല്താനി അറിയിച്ചു. അനുകൂല പ്രതികരണമാണ് ഹമാസില് നിന്ന് ലഭിച്ചതെന്നും ചില നിര്ദേശങ്ങളുണ്ടെന്നും അദ്ദേഹം വ്യക്തമാക്കി. ഖത്തര് പ്രധാനമന്ത്രിയും യു.എസ് സ്റ്റേറ്റ് സെക്രട്ടറി ആന്റണി ബ്ലിങ്കനും സംയുക്തമായി നടത്തിയ വാര്ത്താസമ്മേളനത്തിലാണ് അദ്ദേഹം ഇക്കാര്യം വ്യക്തമാക്കിയത്. അതേസമയം, മറ്റ് വിശദാംശങ്ങൾ പുറത്തുവിട്ടിട്ടില്ല.
ഈ ഘട്ടത്തിൽ മറ്റ് വിശദാംശങ്ങൾ ചർച്ച ചെയ്യാൻ കഴിയില്ല. എന്നാൽ ഹമാസിന്റെ പ്രതികരണം പ്രതീക്ഷ നൽകുന്നതാണെന്നും ഇസ്രയേലിന് നിർദേശങ്ങൾ കൈമാറിയതായും പ്രാധാനമന്ത്രി പറഞ്ഞു.
യുദ്ധത്തിനെതിരെയും സാഹചര്യങ്ങൾ കൂടുതൽ വഷളാക്കുന്ന ഏതൊരു നടപടിക്കെതിരെയും ഉറച്ച അന്താരാഷ്ട്ര നിലപാട് ആവശ്യമാണെന്നും അദ്ദേഹം വ്യക്തമാക്കി. ഗസയിൽ ഉടനടി വെടിനിർത്തൽ കരാറിൽ ഏർപ്പെടുത്തുന്നതിനുള്ള ഉത്തരവാദിത്തം ഏറ്റെടുക്കാൻ അന്താരാഷ്ട്ര സമൂഹത്തോട് അദ്ദേഹം ആഹ്വാനം ചെയ്യുകയും ചെയ്തു.
അതേസമയം, ഹമാസിന്റെ നിർദേശങ്ങളെക്കുറിച്ച് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവുമായി ചർച്ച ചെയ്യുമെന്ന് ആന്റണി ബ്ലിങ്കനും പറഞ്ഞു.
വെടിനിർത്തൽ കരാറിനായി നിരന്തരം പ്രയത്നിക്കുമെന്നനും ബന്ദികളെ മോചിപ്പിക്കുന്നതിനും കൂടുതൽ ദുരിതാശ്വാസ സഹായം ഗസയിൽ എത്തിക്കുന്നതിനുമാണ് കരാർ ലക്ഷ്യമിടുന്നതെന്നും ബ്ലിങ്കൻ പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F