February 13, 2024
February 13, 2024
ദോഹ: ഫലസ്തീൻ പ്രസിഡന്റ് മഹ്മൂദ് അബ്ബാസ് ഖത്തർ അമീർ ശൈഖ് തമീം ബിൻ ഹമദ് അൽ താനിയുമായി കൂടിക്കാഴ്ച നടത്തി. അമീരി ദിവാനിലെ ശൈഖ് അബ്ദുല്ല ബിൻ ജാസിം മജ്ലിസിലാണ് ഇരുവരും കൂടിക്കാഴ്ച നടത്തിയത്. ഗസയിലെ വെടിനിർത്തലും, ഫലസ്തീൻ വിഷയങ്ങൾക്ക് ശാശ്വത പരിഹാരം കാണുന്നത് സംബന്ധിച്ചുള്ള ഇടപെടലുകളിലും ചർച്ച നടന്നു.
ഫലസ്തീൻ ജനങ്ങൾക്കുള്ള ഖത്തറിന്റെ പിന്തുണക്കും മേഖലയിലെ പ്രശ്നപരിഹാരത്തിനുള്ള ശ്രമങ്ങൾക്കും ഫലസ്തീൻ പ്രസിഡന്റ് നന്ദി അറിയിച്ചു. ഫലസ്തീൻ ജനതയുടെ അവകാശങ്ങൾ നേടിയെടുക്കാനും ഗസയിലെയും വെസ്റ്റ് ബാങ്കിലെയും അധിനിവേശ പ്രദേശങ്ങളിൽ നയതന്ത്ര ശ്രമങ്ങൾ തുടരാനുമുള്ള ഖത്തറിന്റെ പ്രതിബദ്ധതയും അമീർ കൂടിക്കാഴ്ചയിൽ വ്യക്തമാക്കി.
കൂടിക്കാഴ്ചയിൽ അമീരി ദിവാൻ ചീഫ് ശൈഖ് സൗദ് ബിൻ അബ്ദുറഹ്മാൻ അൽ താനി, ദേശീയ സുരക്ഷ മേധാവി അബ്ദുല്ല ബിൻ മുഹമ്മദ് അൽ ഖുലൈഫി, വിദേശകാര്യ സഹമന്ത്രി ഡോ. മുഹമ്മദ് ബിൻ അബ്ദുൽ അസീസ് അൽ ഖുലൈഫി എന്നിവരും പങ്കെടുത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F