October 23, 2023
October 23, 2023
ദോഹ: ഖത്തറിലെ തൃശൂർ ജില്ലയിലെ വാടാനപ്പള്ളി നിവാസികളുടെ കൂട്ടായ്മയായ വാടാനപ്പള്ളി പ്രവാസി സെക്കുലർ പ്രവാസി അസോസിയേഷന്റെ രണ്ടാം വാർഷികവും പ്രവാസത്തിൽ കാൽ നൂറ്റാണ്ട് പിന്നിട്ട അംഗങ്ങൾക്കുള്ള സ്നേഹാദരവും ഓണാഘോഷവും സംഘടിപ്പിച്ചു. ഐസിസി അശോക ഹാളിൽ നടന്ന സംഗമം ഐസിസി പ്രസിഡന്റ് എ.പി മണികണ്ഠൻ ഉത്ഘാടനം ചെയ്തു. വാപ്സ പ്രസിഡന്റ് കെവി പ്രേംജിത്ത് അധ്യക്ഷനായിരുന്നു.
നാടിന്റെ സ്പന്ദനങ്ങളിൽ നിസ്തുലമായ സേവനങ്ങൾ നൽകി പതിറ്റാണ്ടുകളുടെ പ്രവാസം പിന്നിടുന്നവർക്ക് നൽകുന്ന ഏറ്റവും വലിയ ബഹുമതിയാണ് സ്നേഹാദരമെന്ന് ഉൽഘാടന പ്രസംഗത്തിൽ എ.പി മണികണ്ഠൻ പറഞ്ഞു.ഇന്ത്യൻ സ്പോർട്സ് സെന്റർ(ISC) പ്രസിഡന്റ് ഇ.പി അബ്ദുറഹ്മാൻ, ഐ.സി.ബി.എഫ് പ്രസിഡന്റ് ഷാനവാസ് ബാവ, ഐസിസി മാനേജിങ് കമ്മറ്റി അംഗങ്ങളായ അഡ്വ. ജാഫർഖാൻ, എബ്രഹാം ജോസഫ്, ഐ.സി.ബി.എഫ് മാനേജിങ് കമ്മറ്റി അംഗം അബ്ദുറൗഫ് കൊണ്ടോട്ടി തുടങ്ങിയവർ അതിഥികളായിരുന്നു. പ്രവാസത്തിന്റെ കാൽ നൂറ്റാണ്ട് പിന്നിട്ട വാടാനപ്പള്ളി നിവാസികളായ 80 അംഗങ്ങൾക്ക് 'സ്നേഹാദരം' ഉപഹാരം സമ്മാനിച്ചു. വിവിധ കലാപരിപാടികൾ അരങ്ങേറി.
വാപ്സ സംഗമത്തിൽ പങ്കെടുക്കാൻ നാട്ടിൽ നിന്നും എത്തിയ മുൻഖത്തർ പ്രവാസിയും കലാ സമൂഹിക സാംസ്കാരിക രംഗത്തെ സജീവ സാന്നിധ്യവുമായിരുന്ന പി.എം ഖാലിദിനെ പൊന്നാട അണിയിച്ച് ആദരിച്ചു. ജനറൽ സെക്രട്ടറി ജലാൽ അയ്നിക്കൽ സ്വാഗതവും ട്രഷറർ യൂനസ് ഹനീഫ നന്ദിയും പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F