October 31, 2023
October 31, 2023
ബാങ്കോക്ക്: ഇന്ത്യയില്‍ നിന്നുള്ള വിനോദ സഞ്ചാരികള്‍ക്ക് തായ്‌ലന്റ് വിസ ഫ്രീ എന്‍ട്രി പ്രഖ്യാപിച്ചു. കോവിഡില്‍ തകര്‍ന്ന ടൂറിസം മേഖലയെ പുനര്‍നിര്‍മിക്കുന്നതിന്റെ ഭാഗമായാണ് പുതിയ പ്രഖ്യാപനം. ഇന്ത്യക്ക് പുറമേ തായ്‌വാനില്‍ നിന്നുള്ള വിനോദ സഞ്ചാരികള്‍ക്കും വിസ രഹിത പ്രവേശനം അനുവദിക്കുമെന്ന് തായ്‌ലാന്റ് പ്രധാനമന്ത്രി ശ്രത്ത തവിസിന്‍ വ്യക്തമാക്കി. അടുത്തമാസം ആരംഭിക്കുന്ന ആറ് മാസത്തെ ട്രയലില്‍ ഇന്ത്യയില്‍ നിന്നുള്ള സന്ദര്‍ശകര്‍ക്ക് 30 ദിവസം വരെ വിസ ഇല്ലാതെ തായ്‌ലാന്റില്‍ താമസിക്കാം. സെപ്റ്റംബറില്‍ ചൈനയില്‍ നിന്നുള്ള ടൂറിസ്റ്റുകള്‍ക്കും തായ്‌ലാന്റ് വിസ രഹിത പ്രവേശനം പ്രഖ്യാപിച്ചിരുന്നു.
ഇതുവരെ ഇന്ത്യ, തായ്‌വാന്‍ രാജ്യങ്ങളില്‍ നിന്നുള്ള സന്ദര്‍ശകര്‍ക്ക് തായ്‌ലാന്റ് സന്ദര്‍ശിക്കുന്നതിനുള്ള 15 ദിവസത്തെ ഓണ്‍ അറൈവല്‍ വിസയ്ക്കായി ഇമിഗ്രേഷന്‍ ചെക്ക്‌പോയിന്റില്‍ ബാങ്ക് സ്റ്റേറ്റ്‌മെന്റും താമസത്തിന്റെ രേഖകളും ഹാജരാക്കി അപേക്ഷ നല്‍കണമായിരുന്നു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
