August 02, 2023
August 02, 2023
ന്യൂസ്റൂം ബ്യുറോ
ദോഹ : ദീര്ഘകാലം ഖത്തറിൽ പ്രവാസിയായിരുന്ന എഴുത്തുകാരനും കവിയുമായ വി.കെ.മരക്കാർ കുട്ടി (വി.കെ.എം.കുട്ടി മലയമ്മ – 72) അന്തരിച്ചു. ഹൃദയാഘാതത്തെ തുടര്ന്ന് എറണാകുളത്തെ ആശുപത്രിയിലായിരുന്നു അന്ത്യം.ദീർഘകാലം ഖത്തർ സാംസ്കാരിക മന്ത്രാലയം ജീവനക്കാരനായിരുന്നു.
ചൊവ്വാഴ്ച വൈകീട്ട് 3 മണിയോടെ ഹൃദയാഘാതം മൂലം എറണാകുളത്ത് വെച്ചായിരുന്നു അന്ത്യം. എഴുത്തുകാരനും കവിയുമായിരുന്ന അദ്ദേഹം ഖത്തറിലും നാട്ടിലും സാമൂഹ്യ സാംസ്കാരിക മേഖലകളില് സജീവമായിരുന്നു.
ദോഹയിലെ സാംസ്കാരിക സദസ്സുകളില് നിറസാന്നിധ്യമായിരുന്ന കുട്ടിക്ക മലയമ്മ സാമൂഹ്യ മാധ്യമങ്ങളിലും സജീവമായിരുന്നു.
ദോഹയിലുള്ള മകന്റെ ഭാര്യയുടെ വിസ നടപടി ക്രമങ്ങള്ക്ക് വേണ്ടി എറണാകുളം ഖത്തര് വിസ സെന്ററിലേക്ക് പോയതായിരുന്നു.ഈസ്റ്റ് മലയമ്മ വൻകണ കുന്നുമ്മൽ പരേതനായ മാമുക്കോയയുടെ മകനാണ്. ഇന്ന് രാവിലെ മയ്യിത്ത് നമസ്കാരത്തിന് ശേഷം ഈസ്റ്റ് മലയമ്മ ജുമഅത്ത് പള്ളി ഖബറിസ്ഥാനിൽ മൃതദേഹം ഖബറടക്കി.
ഭാര്യമാർ: ആയിഷ തറമ്മണ്ണിൽ, ഫാത്തിമ കോക്കല്ലൂർ. മക്കൾ: റൈഹാന, റഊഫ് കോക്കല്ലൂർ, റാഷിദ് (ഖത്തർ). മരുമക്കൾ: അബ്ദുനാസർ, ഫസീല, റസീന.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm