August 06, 2023
August 06, 2023
ന്യൂസ്റൂം ബ്യുറോ
ദോഹ : ഖത്തറിലെ പുതിയ ഇന്ത്യൻ അംബാസഡർ വിപുൽ ദോഹയിലെത്തി.വിദേശകാര്യ മന്ത്രാലയത്തിലെ പ്രോട്ടോക്കോൾ ഡയറക്ടർ അംബാസഡർ ഇബ്രാഹിം യൂസഫ് ഫഖ്രോയുമായി അദ്ദേഹം കഴിഞ്ഞ ദിവസം കൂടിക്കാഴ്ച നടത്തി.
മാസങ്ങൾ നീണ്ട കാത്തിരിപ്പിന് ശേഷമാണ് പുതിയ ഇന്ത്യൻ അംബാസഡർ ഖത്തറിലെത്തുന്നത്.1998 ബാച്ചിലെ ഇന്ത്യൻ ഫോറിൻ സർവീസ് ഉദ്യോഗസ്ഥനായ വിപുൽ നേരത്തെ വിദേശകാര്യ മന്ത്രാലയത്തിൽ ഗൾഫ് മേഖലയുടെ ചുമതലയുള്ള ജോയിന്റ് സെക്രട്ടറിയായി സേവനമനുഷ്ഠിച്ചു വരികയായിരുന്നു.
കഴിഞ്ഞ മാർച്ചിൽ കാലാവധി പൂർത്തിയാക്കി മടങ്ങിയ മുൻ അംബാസഡർ ഡോ. ദീപക് മിത്തലിന്റെ പിൻഗാമിയായാണ് വിപുൽ ഖത്തറിലെത്തുന്നത്. ഗൾഫ് ഡിവിഷൻ ജോയിന്റ് സെക്രട്ടറിയുടെ ചുമതല വഹിച്ചിരുന്ന വിപുലിനെ ഏപ്രിലിൽ തന്നെ ഖത്തറിലെ പുതിയ അംബാസഡറായി പ്രഖ്യാപിച്ചിരുന്നു. രണ്ടാഴ്ച മുമ്പ് ഇദ്ദേഹം ഇന്ത്യൻ രാഷ്ട്രപതി ദ്രൗപതി മുർമുവിൽ നിന്നും സ്ഥാനപത്രം ഏറ്റുവാങ്ങിയിരുന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm