August 27, 2023
August 27, 2023
ദോഹ ലോകത്തെ അറിയപ്പെടുന്ന ഇസ്ലാമിക പണ്ഡിതനും പ്രഭാഷകനുമായിരുന്ന ശൈഖ് മുസ്തഫ അൽ സെറാഫി (93) ദോഹയിൽ അന്തരിച്ചു.
നിരവധി ഇസ്ലാമിക രാജ്യങ്ങളിൽ മത പ്രബോധകനായും പ്രഭാഷകനായും പ്രവർത്തിച്ച അദ്ദേഹം മുസ്ലീം പണ്ഡിതന്മാരുടെ ആഗോള സഭയിൽ യൂണിയൻ ഇഷ്യൂസ് ആൻഡ് മൈനോറിറ്റീസ് കമ്മിറ്റി അംഗം ഉൾപ്പെടെ,നിരവധി സ്ഥാനങ്ങൾ വഹിച്ചിട്ടുണ്ട്.നിയമബിരുദം നേടിയ ശേഷം കുറച്ചുകാലം അഭിഭാഷകനായി പ്രവർത്തിച്ച ശൈഖ് മുസ്തഫ അൽ സെറാഫി ഖത്തറിലെ നിരവധി സ്കൂളുകളിൽ വിദ്യാഭ്യാസ സൂപ്പർവൈസറായി സേവനമനുഷ്ടിച്ചിട്ടുണ്ട്.
ആഗോള തലത്തിൽ വിവിധ മതങ്ങൾക്കിടയിൽ സഹിഷ്ണുതയും സഹവർത്തിത്വവും വളർത്തുന്നതിന് അക്ഷീണം പ്രവർത്തിച്ചിരുന്ന അദ്ദേഹം നയതന്ത്ര മേഖലയിലും തന്റെ പ്രാവീണ്യം തെളിയിച്ചിരുന്നു.ഏറ്റവും ഒടുവിൽ ഉസ്ബെക്കുകളുമായി അനുരഞ്ജനത്തിനായി കിർഗിസ്ഥാൻ സന്ദർശിച്ച പ്രതിനിധി സംഘത്തിൽ ഡോ. അലി കരദാഗിയോടൊപ്പം മുസ്തഫ അൽ സെറാഫിയുമുണ്ടായിരുന്നു.
ശാസ്ത്രത്തോടും ശാസ്ത്രജ്ഞരോടും പ്രതിബദ്ധതയുള്ള സിറിയൻ കുടുംബത്തിൽ 1930 ലായിരുന്നു പിന്നീട് പ്രവർത്തനം ഖത്തറിലേക്ക് മാറ്റുകയായിരുന്നു.
ശനിയാഴ്ച മഗ്രിബ് നമസ്കാരത്തിന് ശേഷം മസൈമീർ ഖബർസ്ഥാനിൽ മൃതദേഹം ഖബറടക്കി.
ശൈഖ് മുസ്തഫ അൽ സെറാഫിയുടെ നിര്യാണത്തിൽ ഖത്തറിലെയും അറബ് ലോകത്തെയും നിരവധി പ്രമുഖർ സമൂഹമാധ്യമങ്ങളിൽ അനുശോചനം അറിയിച്ചു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9