August 17, 2023
August 17, 2023
ന്യൂസ്റൂം ബ്യുറോ
ദോഹ :യാത്രക്കാരുടെ തിരക്ക് പരിഗണിച്ച് ദോഹ-തിരുവനന്തപുരം സെക്ടറിൽ എയർ ഇന്ത്യ എക്സ്പ്രസ്സ് ആഴ്ചയിൽ നാല് നാല് നോൺ-സ്റ്റോപ്പ് സർവീസുകൾ ഏർപ്പെടുത്തുന്നു.ശൈത്യകാല ഷെഡ്യൂളിൽ ഉൾപെടുത്തിയാണ് അധിക സർവീസുകൾ ഏർപ്പെടുത്തുന്നതെന്ന് എയർ ഇന്ത്യ എക്സ്പ്രസ് വൃത്തങ്ങൾ അറിയിച്ചു.
ഒക്ടോബർ 29 മുതലായിരിക്കും പുതിയ സർവീസുകൾ ഉണ്ടാവുക.ദോഹയിൽ നിന്ന് ചൊവ്വ, വ്യാഴം, ശനി, ഞായർ ദിവസങ്ങളിൽ തിരുവനന്തപുരത്തേക്കും ചൊവ്വ, വ്യാഴം, വെള്ളി, ഞായർ ദിവസങ്ങളിൽ തിരുവനന്തപുരത്ത് നിന്ന് ദോഹയിലേക്കും അധിക സർവീസുകൾ ഉണ്ടാകും.
അതേസമയം,വിവിധ ഗൾഫ് രാജ്യങ്ങളിൽ നിന്നും കേരളത്തിലേക്ക് സർവീസ് നടത്തുന്ന എയർഇന്ത്യ എക്സ്പ്രസ്സ് വിമാനങ്ങൾ അനിശ്ചിതമായി വൈകുന്നത് തുടരുകയാണ്.ഷാർജയിൽ നിന്ന് കണ്ണൂരിലേക്കുള്ള എയർ ഇന്ത്യ എക്സ്പ്രസ് വിമാനം പതിമൂന്ന് മണിക്കൂറിലേറെ വൈകി. ഇന്നലെ വൈകീട്ട് ആറരയോടെ പുറപ്പെടേണ്ട വിമാനം കാലത്ത് എട്ട് മണിയോടെയാണ് യാത്ര തിരിച്ചത്. മണിക്കൂറുകൾ നീണ്ട അനിശ്ചിതത്വം ഇരുന്നൂറോളം യാത്രക്കാരെയാണ് ദുരിതത്തിലാക്കിയത്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R