October 12, 2023
October 12, 2023
ദോഹ: ഗസ മുനമ്പിൽ ഇസ്രായേൽ ബോംബാക്രമണം തുടർന്നാൽ വിവിധ രാജ്യങ്ങൾക്കുള്ള പ്രകൃതിവാതക വിതരണം ഖത്തർ വെട്ടിക്കുറയ്ക്കുമെന്ന വാർത്ത വ്യാജം. ഇസ്രായേലിന്റെ ഗസ ആക്രമണത്തിന് പിന്നാലെ ഖത്തർ ഇത്തരമൊരു ഭീഷണി മുഴക്കിയതായി 'ഖത്തർ അഫയേഴ്സ്' എന്ന എക്സ് (ട്വിറ്റർ) വ്യാജ അക്കൗണ്ടാണ് തെറ്റായി റിപ്പോർട്ട് ചെയ്തത്.ഇന്നലെയാണ് എക്സിൽ (ട്വിറ്റർ) 'ഖത്തർ മീഡിയകൾ നിങ്ങളെ കാണിക്കാത്തത് ' എന്ന ശീർഷകത്തിൽ തെറ്റിദ്ധരിപ്പിക്കുന്ന വാർത്ത പുറത്തുവിട്ടത്.
'ഖത്തറിനെ നിഷേധാത്മകമായി ചിത്രീകരിക്കാൻ ഉപയോഗിക്കുന്ന അക്കൗണ്ടാണ് ഖത്തർ അഫയേഴ്സ്. ഇത് നിയമാനുസൃതമായ വാർത്താ അക്കൗണ്ടല്ല. ഒറിജിനലാണെന്ന് തെറ്റിദ്ധരിപ്പിക്കുന്ന തരത്തിൽ രൂപകൽപ്പന ചെയ്തിട്ടുള്ള ഈ അക്കൗണ്ട്, പല തെറ്റായ വിവരങ്ങളും നൽകുന്നുണ്ട്,' ഖത്തറിലെ ഹമദ് ബിൻ ഖലീഫ സർവകലാശാലയിലെ അസോസിയേറ്റ് പ്രൊഫസർ മാർക്ക് ഓവൻ ജോൺസ് പറഞ്ഞു.
2021-ൽ ഈ വ്യാജ അക്കൗണ്ടിനെ കുറിച്ച് അധികൃതർ മുന്നറിയിപ്പ് നൽകിയിരുന്നു. 2017-ൽ ഖത്തറിനെതിരായ ഉപരോധത്തിന് ശേഷം താൽക്കാലികമായി നിർത്തിവച്ച 'Qatar_Affairs' എന്ന മറ്റൊരു അക്കൗണ്ടുമായുള്ള സമാനതകളും അധികൃതർ ചൂണ്ടിക്കാട്ടി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU