July 31, 2023
July 31, 2023
ന്യൂസ് ബ്യൂറോ
ദോഹ: ഇ-സ്കൂട്ടറുകളുടെ ഉപയോഗം വർധിച്ച സാഹചര്യത്തിൽ ഗതാഗത മന്ത്രാലയം (എം.ഓ.ടി) ഉപയോക്താക്കൾക്കായി സുരക്ഷാ മാർഗ്ഗനിർദേശങ്ങൾ പുറത്തുവിട്ടു.
“റൈഡ് ചെയ്യുമ്പോൾ മൊബൈൽ ഫോൺ ഉപയോഗിക്കരുത്. നിങ്ങളുടെ ഇ-സ്കൂട്ടർ മറ്റൊരു റൈഡറുമായി പങ്കിടരുത്. സവാരി ചെയ്യുമ്പോൾ തിന്നുകയോ കുടിക്കുകയോ ചെയ്യരുത്. റോഡിൽ നിങ്ങൾക്കും മറ്റുള്ളവർക്കുമിടയിൽ സുരക്ഷിതമായ അകലം പാലിക്കണം,” തുടങ്ങിയവയാണ് പുതിയ മാർഗനിർദേശങ്ങൾ.
സവാരി ചെയ്യുമ്പോൾ ഭാരമുള്ള സാധനങ്ങൾ കൊണ്ടുപോകരുതെന്നും, വശങ്ങളിലേക്ക് തിരിയുമ്പോൾ കൈ കൊണ്ട് സിഗ്നലുകൾ കാണിക്കണമെന്നും നിർദേശങ്ങളിൽ പറയുന്നു. ഇ-സ്കൂട്ടറിനായി അനുവദിച്ച സ്ഥലങ്ങളിലൂടെയും പാതകളിലൂടെയും മാത്രമായിരിക്കണം യാത്ര ചെയ്യേണ്ടത് .
കൂടാതെ, സുരക്ഷാ ഉപകരണങ്ങളെല്ലാം നിർബന്ധമായി ധരിക്കുകയും വേണം. ഓരോ യാത്രയുടെയും തുടക്കത്തിൽ ബ്രേക്കുകൾ പരിശോധിച്ച് ഉറപ്പ് വരുത്തുക. ട്രാഫിക് സിഗ്നലുകളും അടയാളങ്ങളും കൃത്യമായി പാലിക്കണം.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONmhttps://chat.whatsapp.com/IkqmkUPd0fhGs9abNGXONm
