August 05, 2023
August 05, 2023
ന്യൂസ്റൂം ബ്യൂറോ
ദോഹ: ദോഹ ഓൾഡ് പോർട്ടിലെ പടിഞ്ഞാറൻ ഭാഗത്തെ കടൽത്തീരത്തേക്ക് വിനോദ സഞ്ചാരികൾക്കും ഖത്തറിലെ താമസക്കാർക്കും സ്വാഗതം. തിരക്കുകൾക്കിടയിൽ, കുറച്ച് സമയം സ്വസ്ഥമായി തീരത്തിരുന്ന് കടൽക്കാറ്റ് ആസ്വദിക്കാനുള്ള ഒരിടമായാണ് പുതിയ ബീച്ച് ഒരുങ്ങുന്നത്. ഹോട്ടലുകൾ, അപാർട്ട്മെന്റുകൾ, കഫേകൾ, റസ്റ്റാറൻറുകൾ, നൂറോളം ഷോപ്പുകൾ തുടങ്ങിയ എല്ലാ സൗകര്യങ്ങളും തീരത്ത് സന്ദർശകർക്കായി ഒരുക്കിയിട്ടുണ്ട്.
സഞ്ചാരികൾക്ക് ഏറെ ആസ്വാദ്യകരമാവുന്ന ഇവിടെ എട്ടു കിലോമീറ്റർ സൈക്കിൾ പാതയും, നടക്കാനുള്ള സ്ഥലങ്ങളും, പൂന്തോട്ടവും, മത്സ്യ മാർക്കറ്റുമെല്ലാമുണ്ട്. സൂഖ് വാഖിഫ്, ഇസ്ലാമിക് ആർട്ട് മ്യൂസിയം, നാഷനൽ മ്യൂസിയം, ദോഹ കോർണിഷ് തുടങ്ങിയ പ്രധാന ടൂറിസ്റ്റ് കേന്ദ്രങ്ങളിൽ നിന്നും ഇവിടേക്ക് അധികം ദൂരമില്ല എന്നതും ശ്രദ്ധേയമാണ്. ഖത്തറിലെ പ്രധാന വിനോദ കേന്ദ്രങ്ങളിൽ ഒന്നായി ഇവിടം മാറുമെന്നും, അവധി ദിവസങ്ങളിൽ കൂടുതൽ സന്ദർശകരെത്തുമെന്നുമാണ് അധികൃതർ പ്രതീക്ഷിക്കുന്നത്.
കടലനുഭവങ്ങൾ ആസ്വാദ്യകരമാക്കാൻ ചെറുതും വലുതുമായ യാട്ടുകൾ, വുഡൻ ബോട്ടുകൾ എന്നിവയും സമീപത്തായി ലഭിക്കുന്നതാണ് .
ഖത്തറിലെ പരമ്പരാഗത തീരദേശ നഗരങ്ങളിലെ വാസ്തുവിദ്യയിൽ നിന്നുള്ള പ്രചോദനം ഉൾക്കൊണ്ട്, വിവിധ നിറങ്ങളിലായി പൂർത്തിയാക്കിയ കെട്ടിടങ്ങളാണ് ഇവിടെയുള്ളത്. എന്നാൽ, പൂർത്തീകരണത്തിന്റെ കൃത്യമായ തീയതി ഇതുവരെ വെളിപ്പെടുത്തിയിട്ടില്ല.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm