October 23, 2023
October 23, 2023
ദോഹ: ഖത്തറില് ആഭ്യന്തര മന്ത്രാലയം നടത്തുന്ന ലേലങ്ങള് കാര്യക്ഷമമാക്കുന്നതിന് 'സൂം' മൊബൈല് ആപ്ലിക്കേഷന് പുറത്തിറക്കി. മന്ത്രാലയത്തിന്റെ ഇലക്ട്രോണിക് സേവനങ്ങള് വികസിപ്പിക്കുന്നതിന്റെ ഭാഗമായാണ് പുതിയ സംവിധാനം ആവിഷ്കരിച്ചത്. ആപ്ലിക്കേഷനിലൂടെ മന്ത്രാലയം വാഗ്ദാനം ചെയ്യുന്ന വസ്തുക്കള് വാങ്ങുന്നതിനുള്ള നടപടി ക്രമങ്ങള് സുഗമമാക്കുകയാണ് ലക്ഷ്യം. വ്യത്യസ്ത നമ്പര് പ്ലേറ്റുകള്, വാഹനങ്ങള്, ബോട്ടുകള്, ഇലക്ട്രോണിക് ഉപകരണങ്ങള്, മറ്റ് ഉപകരണങ്ങള് എന്നിവയ്ക്കായാണ് മന്ത്രാലയം പതിവായി ലേലം നടത്തുന്നത്.
മൊബൈല് ആപ് സ്റ്റോറില് നിന്ന് ആപ്ലിക്കേഷന് ഡൗണ്ലോഡ് ചെയ്യാം. മെട്രേഷ് 2 ആപ്പിലെ വിശദാംശങ്ങളിലൂടെയോ പുതിയ അക്കൗണ്ട് സൃഷ്ടിച്ചോ ആപ്ലിക്കേഷന് ഉപയോഗിക്കാന് കഴിയും. ആദ്യ ഘട്ടത്തില് സൂം ആപ്പിന്റെ സേവനം പരിമിതമാണ്. പുതിയ സംവിധാനത്തിലൂടെ പൊതുജനങ്ങള്ക്ക് ഒക്ടോബര് 31 വരെ നടക്കുന്ന ലേലത്തില് ഇപ്പോള് പങ്കെടുക്കാനാവും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F