February 21, 2024
February 21, 2024
അബുദാബി- ഗള്ഫ് ഉള്പ്പെടെയുള്ള വിദേശരാജ്യങ്ങളില് മെഡിക്കല് പ്രവേശനത്തിനുള്ള 'നീറ്റ്' പരീക്ഷയുടെ കേന്ദ്രങ്ങള് പുനഃസ്ഥാപിക്കാന് ദേശീയ ടെസ്റ്റിംഗ് ഏജന്സി തീരുമാനിച്ചു. ആറ് ഗള്ഫ് രാജ്യങ്ങളിലായി എട്ട് കേന്ദ്രങ്ങള് ഉള്പ്പെടെ 14 നഗരങ്ങളില് പരീക്ഷ നടക്കുമെന്ന് എന്.ടി.എ 'എക്സില്' അറിയിച്ചു.
യു.എ.ഇയില് നേരത്തെയുള്ള കേന്ദ്രങ്ങളായ ദുബായ്, അബുദാബി, ഷാര്ജ നഗരങ്ങളില് പരീക്ഷയ്ക്ക് അപേക്ഷിക്കാം. ഖത്തർ, കുവൈത്ത്, ഒമാന്, സൗദി അറേബ്യ, ബഹ്റൈന് എന്നീ ഗള്ഫ് രാജ്യങ്ങളിലും പരീക്ഷാ കേന്ദ്രങ്ങൾക്കായും വിദ്യാര്ത്ഥികള്ക്ക് അപേക്ഷിക്കാവുന്നതാണ്. തായ്ലന്ഡ്, ശ്രീലങ്ക, നേപ്പാള്, മലേഷ്യ, നൈജീരിയ, സിംഗപ്പൂര് തുടങ്ങിയ രാജ്യങ്ങളിലും പരീക്ഷാ കേന്ദ്രങ്ങളുണ്ട്.
ഇന്ത്യയിലെ പരീക്ഷാ കേന്ദ്രങ്ങള് തെരഞ്ഞെടുത്ത് ഫീസ് അടച്ച് രജിസ്ട്രേഷന് നടപടികള് പൂര്ത്തിയാക്കിയവര്ക്ക് തിരുത്താന് അവസരമുണ്ടാവും. മാര്ച്ച് ഒമ്പതിന് ഓണ്ലൈന് രജിസ്ട്രേഷന് അവസാനിച്ച ശേഷം, തിരുത്താനുള്ള അവസരം നല്കുമ്പോള് വിദേശത്ത് സെന്ററുകള് തെരഞ്ഞെടുക്കാവുന്നതാണ്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F