August 17, 2023
August 17, 2023
ന്യൂസ്‌റൂം ബ്യൂറോ
ദോഹ: ഖത്തറിലേക്ക് മയക്കുമരുന്ന് കടത്താൻ ശ്രമിച്ച യാത്രക്കാരനെ ഹമദ് എയർപോർട്ട് കസ്റ്റംസ് അധികൃതർ പിടികൂടി. 647 ഗ്രാം ഷാബുവാണ് യാത്രക്കാരന്റെ വയറ്റിൽ കണ്ടെത്തിയത്.
യാത്രക്കാരന്റെ കുടലിനകത്ത് വിദേശ വസ്തുക്കളുടെ സാന്നിധ്യം ഉണ്ടെന്ന കസ്റ്റംസ് ഇൻസ്‌പെക്ടറുടെ സംശയത്തെ തുടർന്ന് നടത്തിയ പരിശോധനയിലാണ് മയക്കുമരുന്ന് കണ്ടെത്തിയതെന്ന് എക്‌സ് പ്ലാറ്ഫോമിലൂടെ (ട്വിറ്റർ) കസ്റ്റംസ് അധികൃതർ വ്യക്തമാക്കി.
രാജ്യത്തേക്ക് നിയമവിരുദ്ധമായ വസ്തുക്കൾ കൊണ്ടുവരുന്നതിനെതിരെ കസ്റ്റംസ് വകുപ്പ് മുന്നറിയിപ്പ് നൽകിയിട്ടുണ്ട്. അത്യാധുനിക ഉപകരണങ്ങളും, യാത്രക്കാരുടെ ശരീരഭാഷ വായിക്കാനും, കള്ളക്കടത്തുക്കാരുടെ ഏറ്റവും പുതിയ രീതികളെക്കുറിച്ച് ബോധവാന്മാരാകാനുമുള്ള പരിശീലനവും അധികൃതർ നൽകി വരുന്നുണ്ട്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R
