November 28, 2023
November 28, 2023
ദോഹ: മിഡിൽ ഈസ്റ്റിലെ പ്രമുഖ സാമ്പത്തിക, വാണിജ്യ കേന്ദ്രമായ ഖത്തർ ഫിനാൻഷ്യൽ സെന്ററിൽ (ക്യുഎഫ്സി) തൊഴിൽ മന്ത്രാലയം പ്രതിനിധി ഓഫീസ് തുറന്നു. തൊഴിൽ മേഖലയുമായി ബന്ധപ്പെട്ട സേവനങ്ങൾ ബിസിനസ്സ് സമൂഹത്തിനും കമ്പനികൾക്കും നൽകുകയെന്ന ലക്ഷ്യത്തോടെയും, തൊഴിൽ മന്ത്രാലയവും ഖത്തർ ഫിനാൻഷ്യൽ സെന്ററും തമ്മിലുള്ള പങ്കാളിത്തത്തിന്റെ ഭാഗവുമായാണ് പുതിയ ഓഫീസ് തുറന്നത്.
വർക്ക് പെർമിറ്റ് കൈകാര്യം ചെയ്യൽ, പുതിയ കമ്പനി അക്കൗണ്ടുകൾ നൽകൽ, ഡാറ്റ അപ്ഡേറ്റ് ചെയ്യൽ, തൊഴിൽ വിസ അംഗീകാരങ്ങൾ ഭേദഗതി ചെയ്യൽ, തൊഴിൽ പെർമിറ്റ് സേവനത്തിന് പുറമെ തൊഴിലുടമയെ മാറ്റൽ, നോട്ടീസ് കാലയളവ് കുറയ്ക്കൽ എന്നിവയുമായി ബന്ധപ്പെട്ട നിരവധി സേവനങ്ങൾ ഓഫീസ് നൽകും.
ഖത്തർ ഫിനാൻഷ്യൽ സെന്ററിൽ തൊഴിൽ മന്ത്രാലയത്തിന്റെ പ്രതിനിധി ഓഫീസ് തുറന്നതിൽ ഖത്തർ ഫിനാൻഷ്യൽ സെന്ററിലെ ഡെപ്യൂട്ടി ചീഫ് എക്സിക്യൂട്ടീവ് ഓഫീസറും ചീഫ് ബിസിനസ് ഡെവലപ്മെന്റ് ഓഫീസറുമായ ഷെയ്ഖ അലനൂദ് അൽതാനി സന്തോഷം പ്രകടിപ്പിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F