October 26, 2023
October 26, 2023
ദോഹ: ഖത്തറിൽ ഫാമിലി റെസിഡൻസി വിസയിൽ നിന്ന് വർക്ക് വിസയിലേക്ക് മാറാൻ ഇ-സേവനം ആരംഭിച്ചതായി തൊഴിൽ മന്ത്രാലയം (എം.ഒ.എൽ) അറിയിച്ചു. ഖത്തറിലെ സ്വകാര്യ സംരംഭങ്ങളെ സഹായിക്കുന്നതിനും, താമസക്കാരെ ജോലിയിൽ നിയമിക്കുന്ന പ്രക്രിയ ലളിതമാക്കാനുമാണ് പുതിയ സേവനം തുടങ്ങിയതെന്ന് മന്ത്രാലയം വ്യക്തമാക്കി.
ഈ പുതിയ സംവിധാനം വഴി വിദേശത്ത് നിന്നുള്ള നിയമന സമയവും സാമ്പത്തിക നിക്ഷേപവും കുറയ്ക്കാൻ കഴിയുമെന്നാണ് അധികൃതർ പ്രതീക്ഷിക്കുന്നത്. ഖത്തർ ഡെവലപ്മെന്റ് ബാങ്കുമായി (ക്യുഡിബി) സഹകരിച്ചാണ് പുതിയ സംവിധാനം ആരംഭിച്ചത്. 25 ഓളം ഡിജിറ്റല് സേവനങ്ങളാണ് തൊഴില് മന്ത്രാലയം നല്കുന്നത്.
എം.ഒ.എൽ സംഘടിപ്പിച്ച “സംരംഭകർക്കുള്ള തൊഴിൽ മന്ത്രാലയത്തിന്റെ സേവനങ്ങൾ” എന്ന സെമിനാറിലാണ് പുതിയ സേവനം പ്രഖ്യാപിച്ചത്. വർക്ക് പെർമിറ്റുകളിലെ തൊഴിലുകൾ ഭേദഗതി ചെയ്യാനുള്ള അഭ്യർത്ഥന, വർക്ക് കരാറുകളുടെ സാക്ഷ്യപ്പെടുത്തൽ എന്നീ രണ്ട് സേവനങ്ങളെക്കുറിച്ചുള്ള വിശദമായ വിവരങ്ങൾ എം.ഓ.എൽ നൽകുമെന്നും തൊഴിൽ വകുപ്പ് മേധാവി സലിം ദാർവിഷ് അൽ മുഹന്നദി പറഞ്ഞു.
മന്ത്രാലയത്തിന്റെ സമഗ്ര ഡിജിറ്റൽ പരിവർത്തന പദ്ധതിയുടെ ഭാഗമായി അടുത്തിടെ പുറത്തിറക്കിയ സേവനങ്ങൾ പ്രദർശിപ്പിക്കുന്നതിനും, സേവനങ്ങൾ ചർച്ച ചെയ്യുന്നതിനുമായി തൊഴിൽ മന്ത്രാലയത്തിലെ വിവിധ വകുപ്പുകളിൽ നിന്നുള്ള പ്രതിനിധികളും, വർക്ക് പെർമിറ്റ്, ലേബർ റിലേഷൻസ്, ഇൻസ്പെക്ഷൻ, ലേബർ തർക്കങ്ങൾ, കൂടാതെ സ്വകാര്യ മേഖലാ വകുപ്പുകളിലെ ദേശീയ തൊഴിൽ സേന എന്നിവയിൽ നിന്നുള്ള പ്രതിനിധികളും സെമിനാറിൽ പങ്കെടുത്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F