November 25, 2023
November 25, 2023
ദോഹ: ഖത്തറിലെ പാകിയ റോഡുകളിലൂടെ മണല് പ്രദേശങ്ങളില് ഉപയോഗിക്കുന്ന ബലൂണ് ടയറുകള് ഉപയോഗിച്ചുള്ള വാഹനങ്ങള് ഓടിക്കരുതെന്ന് ആഭ്യന്തര മന്ത്രാലയം മുന്നറിയിപ്പ് നല്കി. ബലൂണ് ടയറുകള് ഉപയോഗിക്കുന്ന വാഹനങ്ങള് ഉപയോഗിക്കുന്നവര് ജാഗ്രത പാലിക്കണമെന്നും മന്ത്രാലയം ആവശ്യപ്പെട്ടു. മെറ്റീരിയലിന്റെ തെറ്റായ ഉപയോഗം അപകടങ്ങള്ക്ക് കാരണമാകുമെന്നും മന്ത്രാലയം കൂട്ടിച്ചേര്ത്തു.
لسلامتك، فكّر قبل استبدال اطارات سياراتك لإطارات البالون، وتذكّر أنها مخصصة فقط للاستخدام في المناطق الرملية ولا تتحمل السرعات العالية على الطرق المعبدة وتشكل خطراً على سلامة المركبة #الداخلية_قطر #مرور_قطر pic.twitter.com/hjdIgh5ia9
— وزارة الداخلية - قطر (@MOI_Qatar) November 24, 2023
പാകിയ റോഡുകളില് ബലൂണ് ടയറുകള് ഉപയോഗിക്കുന്നത് അപകടങ്ങള് വര്ധിപ്പിക്കുമെന്ന കണ്ടെത്തലിന്റെ അടിസ്ഥാനത്തിലാണ് ആഭ്യന്തര മന്ത്രാലയം മുന്നറിയിപ്പ് പുറപ്പെടുവിച്ചത്. ഇത്തരം ടയറുകള് ഉപയോഗിക്കുമ്പോഴുണ്ടാകുന്ന അപകടങ്ങളുടെ ദൃശ്യങ്ങളും മന്ത്രാലയം സാമൂഹിക മാധ്യമങ്ങളില് പങ്കുവെച്ചു. ബലൂണ് ടയറുകള് റോഡുകളില് പെട്ടെന്ന് വഴുക്കാനും പൊട്ടിത്തെറിക്കാനും സാധ്യതയുണ്ട്. വാഹനത്തിന്റെ നിയന്ത്രണം നഷ്ടപ്പെടാനും ഇത്തരം ടയറുകള് കാരണമാകുന്നതായും മന്ത്രാലയം വ്യക്തമാക്കി.
മണല് നിറഞ്ഞ ഭൂപ്രദേശങ്ങള്ക്ക് വേണ്ടി മാത്രമാണ് ബലൂണ് ടയറുകള് നിര്മിച്ചിരിക്കുന്നതെന്നും അവ റോഡുകളിലും വേഗതയില് ഓടിക്കാനും വേണ്ടിയല്ലെന്നും മന്ത്രാലയം ഓര്മ്മിപ്പിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F