November 06, 2023
November 06, 2023
ദോഹ: ഖത്തറിൽ പ്രധാന റോഡിലൂടെ അനധികൃതമായി സ്ട്രീറ്റ് റേസിംഗ് നടത്തിയ രണ്ട് വാഹനങ്ങൾ ആഭ്യന്തര മന്ത്രാലയം (എംഒഐ) പിടികൂടി. രണ്ട് വാഹനങ്ങൾ രാത്രി പൊതുനിരത്തിലൂടെ അശ്രദ്ധമായി പായുന്നത് കാണിക്കുന്ന വീഡിയോയും മന്ത്രാലയം പുറത്തുവിട്ടു. കൂടാതെ, റോഡ് സൈഡിൽ വാഹനങ്ങളുമായി തടിച്ചുകൂടിയ കാണികൾ നിയമവിരുദ്ധ പ്രവർത്തനത്തിന് പ്രോത്സാഹിപ്പിക്കുന്നതും വീഡിയോയിൽ കാണാം.
بالإشارة إلى ما تم تداوله في مواقع التواصل الاجتماعي من فيديو يظهر سيارتين وهما في حالة سباق يقودهما سائقان برعونة وسرعة عالية، فقد تم رصد وإحضار المركبتين وقائديهما و كذلك المركبات المتجمهرة على الطريق وقائدِيها وتمت إِحالتهم إِلى النيابة العامة حيث أمرت بحبس المتَّهمين… pic.twitter.com/xKTrbBs6fg
— وزارة الداخلية - قطر (@MOI_Qatar) November 5, 2023
രണ്ട് ഡ്രൈവർമാരെയും കാണികളെയും മന്ത്രാലയം അറസ്റ്റ് ചെയ്തിട്ടുണ്ട്. ഇവരുടെ വാഹനങ്ങളും പിടിച്ചെടുത്തു. പിഴ ഈടാക്കുകയും ചെയ്തിട്ടുണ്ട്. അറസ്റ്റ് ചെയ്തവരെ പബ്ലിക് പ്രോസിക്യൂഷന് കൈമാറിയതായി എംഒഐ അറിയിച്ചു.
അതേസമയം, ഗതാഗത നിയമമനുസരിച്ച് അശ്രദ്ധമായി റോഡിൽ വാഹനം ഓടിക്കുന്നത് നിയമവിരുദ്ധമാണെന്ന് മന്ത്രാലയം മുന്നറിയിപ്പ് നൽകി. ഇത്തരം ലംഘനങ്ങൾക്ക് ഒരു മാസത്തിൽ കുറയാത്തതും മൂന്ന് വർഷത്തിൽ കൂടാത്തതുമായ തടവോ, പതിനായിരം റിയാലിൽ കുറയാത്തതും അൻപതിനായിരം റിയാലിൽ കൂടാത്തതുമായ പിഴയോ, അല്ലെങ്കിൽ ഈ രണ്ട് പിഴകളിൽ ഏതെങ്കിലും ഒന്നോ ശിക്ഷയുണ്ടാകുമെന്ന് മന്ത്രാലയം വ്യക്തമാക്കി. രാജ്യത്തെ നിയമങ്ങളും ചട്ടങ്ങളും ലംഘിക്കുന്നവർക്കെതിരെ നിയമ നടപടിയെടുക്കാൻ മടിക്കില്ലെന്നും മന്ത്രാലയം ആവർത്തിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
