December 21, 2023
December 21, 2023
ദോഹ: ഖത്തറിൽ ജനുവരി 9, മാർച്ച് 12, ജൂൺ 3, ഓഗസ്റ്റ് 2, സെപ്റ്റംബർ 1, ഒക്ടോബർ 1 എന്നിവയ്ക്ക് മുമ്പായി കാലാവധി തീരുന്ന ക്വാക്കർ ബ്രാൻഡിന്റെ ഓട്സ് ഉൽപ്പന്നങ്ങൾ (യുഎസ്എയിൽ ഉൽപാദിപ്പിക്കുന്ന) കഴിക്കുന്നതിനെതിരെ പൊതുജനാരോഗ്യ മന്ത്രാലയം (എംഒപിഎച്ച്) മുന്നറിയിപ്പ് നൽകി.
تحذر وزارة الصحة العامة من استهلاك منتجات الشوفان كويكر إنتاج الولايات المتحدة الأمريكية بتواريخ انتهاء 9 يناير أو 12 مارس أو 3 يونيو أو 2 أغسطس أو 1 سبتمبر أو 1 أكتوبر 2024. وذلك بناء على بيان هيئة الغذاء والدواء الأمريكية بسحب شركة كويكر للمنتجات لتلوثها ببكتيريا السالمونيلا. pic.twitter.com/ita2LkzAND
— وزارة الصحة العامة (@MOPHQatar) December 21, 2023
"സാൽമൊണെല്ല" എന്ന രോഗകാരിയായ ബാക്ടീരിയയുടെ സാന്നിധ്യം സ്ഥിരീകരിച്ചതിനാലാണ് ക്വാക്കർ ഈ ഉൽപ്പന്നങ്ങൾ റദ്ധാക്കിയതെന്ന് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ (എഫ്ഡിഎ) പ്രസ്താവനയിലൂടെ അറിയിച്ചു. ഈ പ്രസ്താവനയുടെ അടിസ്ഥാനത്തിലാണ് ഖത്തർ ആരോഗ്യ മന്ത്രാലയം പൊതുജനങ്ങൾക്ക് മുന്നറിയിപ്പ് നൽകിയത്. സാൽമൊണെല്ലയിലൂടെ ഭക്ഷ്യവിഷബാധയ്ക്കും വയറിളക്കത്തിനും ഛർദിക്കും പുറമേ കടുത്ത വയറുവേദനയ്ക്കും കാരണമാകും.
പൊതുജനങ്ങൾ നേരത്തെ തന്നെ വാങ്ങിയ ഉൽപ്പന്നങ്ങൾ മുകളിൽ സൂചിപ്പിച്ച തീയതികളിൽ കാലാവധി തീരുന്നതാണെങ്കിൽ ഔട്ട്ലെറ്റിലേക്ക് തിരികെ നൽകാനോ അവ നശിപ്പിക്കാനോ പൊതുജനാരോഗ്യ മന്ത്രാലയം ഉപഭോക്താക്കളോട് നിർദേശിച്ചു.
അതേസമയം, ഖത്തർ വാണിജ്യ, വ്യവസായ മന്ത്രാലയവുമായി സഹകരിച്ച് മറ്റ് മുൻകരുതലുകളും നടപടികളും ആരോഗ്യ മന്ത്രാലയം സ്വീകരിച്ചിട്ടുണ്ട്. ഈ ഉൽപ്പന്നം വിപണനം ചെയ്യുന്നത് നിർത്താനും വിപണിയിൽ നിന്ന് ഉടൻ പിൻവലിക്കാനും എല്ലാ വിതരണക്കാർക്കും ഉപഭോക്തൃ അസോസിയേഷനുകൾക്കും സർക്കുലർ അയച്ചു. കൂടാതെ, കടകളിൽ ഇത്തരം സംശയാസ്പദമായ ഉൽപ്പന്നങ്ങൾ ഇല്ലെന്ന് ഉറപ്പ് വരുത്താൻ മന്ത്രാലയം ഇൻസ്പെക്ടർമാർക്ക് നിർദേശം നൽകി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F