September 17, 2023
September 17, 2023
ദോഹ: ലോക ശുചീകരണ ദിനാചരണത്തോട് അനുബന്ധിച്ച് ഖത്തറിൽ പൊതുസ്ഥലങ്ങളിൽ മാലിന്യങ്ങൾ വലിച്ചെറിയരുതെന്ന് സമൂഹമാധ്യമ അക്കൗണ്ടുകളിലൂടെ നഗരസഭ മന്ത്രാലയം ഓർമപ്പെടുത്തി. ജനങ്ങൾ പൊതുശുചിത്വം പാലിക്കണമെന്നും മന്ത്രാലയം നിർദേശിച്ചു.
പൊതു ഇടങ്ങളിലെ മാലിന്യപെട്ടികളിൽ മാത്രമേ മാലിന്യങ്ങൾ ഇടാൻ പാടുള്ളു. പൊതുശുചിത്വ നിയമ പ്രകാരം അനുവദനീയമല്ലാത്ത ഇടങ്ങളിൽ മാലിന്യം ഇടുകയോ മലിനജലം ഒഴുക്കുകയോ ചെയ്യുന്നത് ശിക്ഷാർഹമായ കുറ്റമാണ്. നിയമം ലംഘിച്ചയാളുടെ ചെലവിൽ തന്നെ മാലിന്യം നീക്കം ചെയ്യുന്നതായിരിക്കും. മാലിന്യം ഉപേക്ഷിക്കാൻ എത്തുന്ന വാഹനങ്ങൾ 3 മാസത്തിൽ കുറയാത്ത കാലയളവിൽ ജപ്തി ചെയ്യുകയും ചെയ്യും. പൊതുസ്ഥലത്ത് മാലിന്യം ഉപേക്ഷിക്കുകയോ വലിച്ചെറിയുകയോ ചെയ്താൽ 10,000 റിയാൽ ആണ് പിഴ. ശുചിത്വ ലംഘനം സംബന്ധിച്ച പരാതികൾ 184 എന്ന നമ്പറിൽ വിളിച്ച് അധികൃതരെ അറിയിക്കാവുന്നതാണ്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G