October 26, 2023
October 26, 2023
ദോഹ : ഖത്തറിൽ കുടുംബ വിസ ലഭിക്കുന്നതിന് വ്യാജരേഖകളുണ്ടാക്കിയ ഏഷ്യൻ വംശജനെ അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. കുടുംബ വിസക്കുള്ള നിർദിഷ്ട മാനദണ്ഡങ്ങൾ പാലിക്കാത്ത ചില പ്രവാസികൾക്ക് കുടുംബ വിസ ലഭിക്കുന്നതിന് ആവശ്യമായ രേഖകൾ വ്യാജമായി നിർമിച്ചതിനാണ് പ്രതിയെ ക്രിമിനൽ ഇൻവെസ്റ്റിഗേഷൻ വിഭാഗം അറസ്റ്റ് ചെയ്തതെന്ന് മന്ത്രാലയം എക്സ് പ്ലാറ്റ്‌ഫോമിൽ വ്യക്തമാക്കി.
കുടുംബ വിസ ലഭിക്കുന്നതിന് ആവശ്യമായ നിരവധി ഔദ്യോഗിക രേഖകൾ വ്യാജമായി നിർമ്മിച്ചതായി അന്വേഷണത്തിൽ കണ്ടെത്തുകയായിരുന്നു.ഇതുമായി ബന്ധപ്പെട്ട് സാമ്പത്തിക ഇടപാടുകൾ നടത്തിയ 51 പേരെയും വിളിച്ചുവരുത്തി ചോദ്യം ചെയ്തതായും മന്ത്രാലയം അറിയിച്ചു.സർക്കാർ സ്ഥാപനങ്ങൾ, ബാങ്കുകൾ, കമ്പനികൾ,എന്നിവയിൽ നിന്നുള്ള വ്യാജ സ്റ്റാമ്പുകൾ ഉപയോഗിച്ച് നിരവധി രേഖകൾ (ഐഡി കാർഡുകൾ, ഭവന കരാറുകൾ, ബാങ്ക് അക്കൗണ്ട് സ്റ്റേറ്റ്‌മെന്റുകൾ, ശമ്പള സർട്ടിഫിക്കറ്റുകൾ) വ്യാജമായി നിർമ്മിച്ചതായി ചോദ്യം ചെയ്യലിൽ മുഖ്യപ്രതി സമ്മതിച്ചു.
പിടിച്ചെടുത്ത വസ്തുക്കൾക്കൊപ്പം ആവശ്യമായ നിയമനടപടികൾക്കായി പ്രതിയെ സാമ്പത്തിക, സൈബർ കുറ്റകൃത്യങ്ങൾ തടയുന്നതിനുള്ള വകുപ്പിന് കൈമാറിയിട്ടുണ്ട്.
സർക്കാർ സ്ഥാപനങ്ങൾ, ബാങ്കുകൾ, കമ്പനികൾ, മറ്റുള്ളവ എന്നിവയിൽ നിന്നുള്ള വ്യാജ സ്റ്റാമ്പുകൾ ഉപയോഗിച്ച് നിരവധി രേഖകൾ (ഐഡി കാർഡുകൾ, ഭവന കരാറുകൾ, ബാങ്ക് അക്കൗണ്ട് സ്റ്റേറ്റ്‌മെന്റുകൾ, ശമ്പള സർട്ടിഫിക്കറ്റുകൾ) വ്യാജമായി നിർമ്മിച്ചതായി മുഖ്യപ്രതി സമ്മതിച്ചു. ഇയാളുടെ പക്കൽനിന്ന് 64 വ്യാജ മുദ്രപ്പത്രങ്ങൾ സഹിതം വ്യാജരേഖ ചമയ്ക്കാൻ ഉപയോഗിക്കുന്ന ഉപകരണങ്ങളും ഉപകരണങ്ങളും കണ്ടെത്തി.
