March 09, 2024
March 09, 2024
ദോഹ: ഖത്തറിൽ നാളെ (ഞായറാഴ്ച്ച) റമദാന് മാസപ്പിറവി അറിയിച്ചു കൊണ്ടുള്ള ചന്ദ്രക്കല നിരീക്ഷിക്കണമെന്ന് ഔഖാഫ് ഇസ്ലാമിക കാര്യ മന്ത്രാലയത്തിലെ ക്രസന്റ് സൈറ്റിംഗ് കമ്മിറ്റി ആഹ്വാനം ചെയ്തു. ഉമ്മുൽഖുറാ കലണ്ടർ (ഹിജ്റ 1445-ലെ) പ്രകാരം മാര്ച്ച് 10 (ഷഅബാന് 29) വൈകിട്ടാണ് ചന്ദ്രക്കല നിരീക്ഷിക്കേണ്ടത്. ചന്ദ്രക്കല ദൃശ്യമായാൽ ദഫ്ന ടവേഴ്സ് ഏരിയയിലെ ഔഖാഫ് ഇസ്ലാമിക് കാര്യ മന്ത്രാലയത്തിന്റെ കെട്ടിടത്തില് സ്ഥിതി ചെയ്യുന്ന ആസ്ഥാനത്ത് എത്തി സാക്ഷ്യപ്പെടുത്താന് കമ്മറ്റി പ്രസ്താവനയില് ആവശ്യപ്പെട്ടു.
അതേസമയം, നാളെ (ഞായറാഴ്ച) വൈകീട്ട് മാസപ്പിറവി നിരീക്ഷിക്കാൻ സൗദിയിലും നിർദേശമുണ്ട്. രാജ്യത്തെ മുഴുവൻ മുസ്ലീങ്ങളോടും സൗദി സുപ്രീം കോടതിയാണ് ആവശ്യപ്പെട്ടത്. നഗ്നനേത്രങ്ങൾ കൊണ്ടോ ബൈനോക്കുലർ വഴിയോ ആരെങ്കിലും മാസപ്പിറവി കാണുകയാണെങ്കിൽ അടുത്തുള്ള കോടതിയെ അറിയിക്കുകയും അവിടെ സാക്ഷ്യം രേഖപ്പെടുത്തുകയും ചെയ്യണം. അല്ലെങ്കിൽ അടുത്തുള്ള കേന്ദ്രവുമായി ബന്ധപ്പെട്ട് മാസപ്പിറവികണ്ട ആളെ കോടതിയിലെത്തിക്കാൻ സഹായിക്കണമെന്നും സുപ്രീം കോടതി അറിയിപ്പിൽ വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F