September 26, 2023
September 26, 2023
ദോഹ: ലുസൈലിലെ കത്താറ ആർച്ച് ടവർ കെട്ടിടത്തിന് 2030ൽ 'ഇസ്ലാമിക്ക് വേൾഡ് ക്യാപ്പിറ്റൽ ഓഫ് കൾച്ചർ 2030' എന്ന പേര് ഔദ്യോഗികമായി ലഭിക്കും. ഖത്തറിൽ നടന്ന ഇസ്ലാമിക ലോകത്തിലെ സാംസ്കാരിക മന്ത്രിമാരുടെ 12-ാമത് സമ്മേളനത്തിലാണ് ലുസൈൽ കെട്ടിടത്തിനെ ക്യാപ്പിറ്റൽ ഓഫ് കൾച്ചർ കെട്ടിടമായി തിരഞ്ഞെടുത്തത്. ഇസ്ലാമിക് വേൾഡ് എജ്യുക്കേഷണൽ സയന്റിഫിക് കൾച്ചറൽ ഓർഗനൈസേഷനാണ് (ഐ.എസ്.ഇ.എസ്.സി.ഓ) സമ്മേളനം സംഘടിപ്പിച്ചത്.
അതേസമയം, 2024ൽ അസർബൈജാനിലെ ഷുഷ, 2025ൽ റിപ്പബ്ലിക് ഓഫ് ഉസ്ബെക്കിസ്ഥാനിലെ സമർകന്ദ്, 2026ൽ ഫലസ്തീനിലെ ഹെബ്രോൺ, 2027ൽ ഈജിപ്തിലെ സിവ കെട്ടിടം തുടങ്ങിയ മാതൃകകൾക്കും ഇസ്ലാമിക് വേൾഡ് ക്യാപ്പിറ്റൽ ഓഫ് കൾച്ചർ എന്ന പദവി ലഭിക്കും.
ഇസ്ലാമിക ലോകത്തെ പ്രമുഖ സാംസ്കാരിക ചരിത്രങ്ങളുള്ള നഗരങ്ങളെ ആഘോഷിക്കേണ്ടതിന്റെ ആവശ്യകത, അവയുടെ സാംസ്കാരികവും നാഗരികവുമായ നേട്ടങ്ങൾ പുനരുജ്ജീവിപ്പിക്കുക, ജനങ്ങൾക്കിടയിൽ സഹവർത്തിത്വത്തിന്റെയും ധാരണയുടെയും മൂല്യങ്ങൾ ശക്തിപ്പെടുത്തുക, അന്തർദേശീയ സാന്നിധ്യം വർധിപ്പിക്കുക തുടങ്ങിയ ലക്ഷ്യങ്ങളാണ് ഈ പേര് നൽകുന്നതിലൂടെ ഐ.എസ്.ഇ.എസ്.സി. ലക്ഷ്യമിടുന്നത്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
