January 02, 2024
January 02, 2024
ദോഹ: ഖത്തറിൽ കിഡ്സ് എക്സ്പോ 2024 വെബ്സൈറ്റ് പുറത്തിറക്കിയതായി ദാർ അൽ ഷാർഖ് ഗ്രൂപ്പ് അറിയിച്ചു. ഖത്തറിൽ ആദ്യമായാണ് അൽ ഷാർഖ് മീഡിയ മാനേജ്മെന്റ് കമ്പനി കിഡ്സ് എക്സ്പോ സംഘടിപ്പിക്കുന്നത്. 2024 നവംബർ 20 മുതൽ നവംബർ 23 വരെ ദോഹ എക്സിബിഷൻ ആൻഡ് കൺവെൻഷൻ സെന്ററിലാണ് (DECC) എക്സ്പോ നടക്കുക. എക്സ്പോയുടെ ഭാഗമാകാൻ ആഗ്രഹിക്കുന്നവർക്ക് www.kidsexpo.qa എന്ന വെബ്സൈറ്റിലൂടെ രജിസ്റ്റർ ചെയ്യാമെന്നും സംഘാടകർ വ്യക്തമാക്കി.
കുട്ടിക്കാലത്തെ പരിചരണവും വികസനവും പിന്തുണയ്ക്കുന്നതിനുള്ള പ്രതിബദ്ധതയെ പ്രതിഫലിപ്പിക്കാനും, വികസനത്തിന്റെ വിവിധ ഘട്ടങ്ങളിൽ കുട്ടികളുടെ ആവശ്യങ്ങൾ നിറവേറ്റുന്ന ഏറ്റവും പുതിയ കണ്ടുപിടുത്തങ്ങളും ഉൽപ്പന്നങ്ങളും സേവനങ്ങളും ഉയർത്തിക്കാട്ടാനുമാണ് എക്സ്പോ ലക്ഷ്യമിടുന്നത്. വിദ്യാഭ്യാസം, ആരോഗ്യം, സംസ്കാരം, വിനോദം തുടങ്ങി 13 വയസ്സ് വരെയുള്ള കുട്ടികൾക്ക് ആവശ്യമായ എല്ലാ കാര്യങ്ങളും എക്സ്പോയിൽ പ്രദർശിപ്പിക്കും. സർക്കാർ ഏജൻസികളുടെയും ആരോഗ്യം, വിനോദം, വിദ്യാഭ്യാസം എന്നീ മേഖലകളിലെ വിദഗ്ധരുടെയും ശ്രദ്ധ ആകർഷിക്കാനും സംഘടകർ ലക്ഷ്യമിടുന്നുണ്ട്.
കുട്ടികളെ പിന്തുണയ്ക്കാനും പരിപാലിക്കാനും താൽപര്യമുള്ള പ്രാദേശികവും അന്തർദേശീയവുമായ കമ്പനികൾക്ക് പങ്കാളിത്തത്തിനായി ക്ഷണങ്ങൾ അയച്ചിട്ടുണ്ടെന്നും, ഏറ്റവും പുതിയ സാങ്കേതിക പരിഹാരങ്ങളും നൂതന ഉൽപ്പന്നങ്ങളും നൽകാൻ ആഗ്രഹിക്കുന്ന നിരവധി സ്ഥാപനങ്ങളെ ഇവന്റ് ആകർഷിക്കുമെന്ന് പ്രതീക്ഷിക്കുന്നുവെന്നും സംഘടകർ പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F