January 30, 2024
January 30, 2024
ദോഹ: ഖത്തര്‍ എഎഫ്‌സി ഏഷ്യന്‍ കപ്പില്‍ ഇറാഖി മാധ്യമ പ്രവര്‍ത്തകര്‍ക്ക് വിലക്കേര്‍പ്പെടുത്തി. ഇറാഖ് ഫുട്‌ബോള്‍ ടീമിന്റെ പരിശീലകനായ ജീസസ് കാസസുമായുണ്ടായ ഏറ്റുമുട്ടലിന് പിന്നാലെയാണ് ഏഷ്യന്‍ ഫുട്‌ബോള്‍ കോണ്‍ഫെഡറേഷന്‍ മാധ്യമ പ്രവര്‍ത്തകര്‍ക്ക് വിലക്കേര്‍പ്പെടുത്തിയത്.
???? AFC statement on #AsianCup2023 Round of 16 match between Iraq and Jordan. https://t.co/rrUSZfzUsh
— #AsianCup2023 (@afcasiancup) January 30, 2024
കഴിഞ്ഞ ദിവസത്തെ റൗണ്ട് ഓഫ് 16 മത്സരത്തില്‍ ജോര്‍ദാനോട് ഇറാഖ് 3-2 ന് പരാജയപ്പെട്ടിരുന്നു. മത്സരത്തിന് ശേഷം നടന്ന വാര്‍ത്താസമ്മേളനത്തില്‍ ഇറാഖി മാധ്യമ പ്രവര്‍ത്തകരും കോച്ചും തമ്മില്‍ വാക്കുതര്‍ക്കമുണ്ടായി. പ്രസ്മീറ്റ് ഹാളിന് പുറത്തും കോച്ചും മാധ്യമപ്രവര്‍ത്തകരും തമ്മില്‍ ഏറ്റുമുട്ടലുണ്ടായതായാണ് റിപ്പോര്‍ട്ട്. ഇറാഖ് ടീമിന്റെ കോച്ചായ കാസസ്, സ്പാനിഷ് മാധ്യമത്തിന് നല്‍കിയ അഭിമുഖവുമായി ബന്ധപ്പെട്ട ചോദ്യങ്ങളാണ് വാക്കുതര്‍ക്കത്തില്‍ കലാശിച്ചതെന്നാണ് വിവരം. ടീമിന്റെ പരാജയത്തില്‍ കോച്ചിനെ മാധ്യമപ്രവര്‍ത്തകര്‍ കുറ്റപ്പെടുത്തിയതും വാക്കുതര്‍ക്കത്തിനിടയാക്കി.
അതേസമയം മാധ്യമപ്രവര്‍ത്തകരുടെ പെരുമാറ്റത്തെ അപലപിച്ച് എഎഫ്‌സിയും ഇറാഖ് ഫുട്‌ബോള്‍ അസോസിയേഷനും രംഗത്തെത്തി. അനിയന്ത്രിതവും ആക്രമണാത്മകവുമായ പെരുമാറ്റം അംഗീകരിക്കാന്‍ കഴിയില്ലെന്നും ഇരുവരും അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
