February 03, 2024
February 03, 2024
ദോഹ: ഖത്തറിൽ 10 രാജ്യങ്ങളിൽ നിന്നുള്ള 674 കുതിരകൾ പങ്കെടുക്കുന്ന കത്താറ ഇൻ്റർനാഷണൽ അറേബ്യൻ ഹോഴ്സ് ഫെസ്റ്റിവലിൻ്റെ (KIAH) നാലാമത് എഡിഷൻ ഇന്നലെ (വെള്ളി) കത്താറ കോർണിഷിൽ ആരംഭിച്ചു. ഉദ്ഘാടന ചടങ്ങിൽ കായിക യുവജന വകുപ്പ് മന്ത്രി ഷെയ്ഖ് ഹമദ് ബിൻ ഖലീഫ ബിൻ അഹമ്മദ് അൽ താനി, ഷെയ്ഖ് താനി ബിൻ ഹമദ് ബിൻ ഖലീഫ അൽ താനിയും മറ്റ് ഉദ്യോഗസ്ഥരും പങ്കെടുത്തു.
ഫെബ്രുവരി 11 വരെ ഫെസ്റ്റിവൽ നടക്കും. ഫെബ്രുവരി 4 ന് അറേബ്യൻ കുതിര ലേലം, ഫെബ്രുവരി 5 വരെ ഗ്ലോബൽ ചാമ്പ്യൻസ് അറേബ്യൻസ് ടൂർ (GCAT), ഫെബ്രുവരി 8 മുതൽ 11 വരെ അറേബ്യൻ കുതിര പ്രദർശനവും ഉണ്ടാകും.
ഫോട്ടോ പ്രദർശനം, സാഡിൽ പെയിൻ്റിംഗ്, കലാപരവും വിദ്യാഭ്യാസപരവുമായ ശിൽപശാലകൾ, തത്സമയ പെയിൻ്റിംഗ്, മൂന്ന് ആർട്ട് എക്സിബിഷനുകൾ എന്നിവയുൾപ്പെടെ വിവിധ കലാപരിപാടികളും സന്ദർശകർക്കായി ഒരുക്കും. കൂടാതെ, സാഡിൽസ്, പെയിൻ്റിംഗുകൾ, പരവതാനികൾ, കോട്ടുകൾ തുടങ്ങിയ കുതിര സവാരി ഉൽപ്പന്നങ്ങളും പ്രദർശനത്തിലുണ്ടാകും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F