November 09, 2023
November 09, 2023
ദോഹ: ഖത്തറിലെ വാണിജ്യസ്ഥാപനങ്ങളുടേയും പ്രവര്ത്തനങ്ങളുടേയും സമഗ്ര വിവരങ്ങള് അടങ്ങിയ ഖത്തര് ബിസിനസ് മാപ്പ് പോര്ട്ടലിന്റെ പ്രവര്ത്തനങ്ങള്ക്ക് തുടക്കമായി. സംരഭകര്ക്കും ഉപയോക്താക്കള്ക്കും ഗുണകരമാകുന്ന വിധത്തില് സമഗ്ര വിവരങ്ങളടങ്ങിയ പോര്ട്ടലിനാണ് വാണിജ്യ, വ്യവസായ മന്ത്രാലയങ്ങള് തുടക്കമിട്ടത്. പോര്ട്ടലിലൂടെ ഉപയോക്താക്കള്ക്ക് വാണിജ്യസ്ഥാപനങ്ങളുടെ സമഗ്ര വിവരങ്ങള് ഇനി മുതല് ലഭിക്കും.
സംരംഭകര്ക്ക് ഉപഭോക്താക്കളിലേക്ക് വേഗമെത്താനും വാണിജ്യ പദ്ധതി തുടങ്ങാന് മികച്ച ലൊക്കേഷന് കണ്ടെത്തുന്നതിനും സൈറ്റ് വിശകലനം ചെയ്യാനും പ്രദേശത്ത് വാണിജ്യ പദ്ധതിക്കുള്ള സാധ്യത അളക്കുന്നതിനും ഖത്തര് ബിസിനസ് മാപ്പ് പോര്ട്ടല് സഹായകമാണെന്ന് വാണിജ്യ റജിസ്ട്രേഷന്-ലൈസന്സ് വകുപ്പ് ഡയറക്ടര് അയെദ് അല് ഖഹ്താനി വാര്ത്താസമ്മേളനത്തില് വിശദമാക്കി.
മന്ത്രാലയത്തിന്റെ ഓണ്ലൈന് സംവിധാനത്തിലൂടെ ലഭിക്കുന്ന ക്യൂആര് കോഡ് ഉപയോഗിച്ച് വാണിജ്യ സ്ഥാപനങ്ങളുടെ രേഖകളും ആധികാരികതയും ലൈസന്സും ഉപയോക്താക്കള്ക്ക് പരിശോധിക്കാനുള്ള സൗകര്യവും പോര്ട്ടലിലുണ്ട്. രാജ്യത്തെ വിവിധ പ്രദേശങ്ങളിലുള്ള നിക്ഷേപ ഇന്സന്റീവുകളുടെ സമഗ്ര ഡേറ്റാബേസ് കൂടിയാണിത്. ലഭ്യമായ വാണിജ്യ പ്രവര്ത്തനങ്ങള്, സ്ഥാപനങ്ങള്, ലൈസന്സുകള് എന്നിവ സംബന്ധിച്ച കൃത്യമായ വിവരങ്ങളും പോര്ട്ടലില് നിന്നും ലഭിക്കും. കൃഷി, വ്യവസായം തുടങ്ങി വിപണികള്ക്ക് ആവശ്യമായ എല്ലാ ബിസിനസ് പ്രവര്ത്തനങ്ങളും സംബന്ധിച്ച വിവരങ്ങളും പോര്ട്ടലിലുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F