December 16, 2023
December 16, 2023
ദോഹ: പകർച്ചപ്പനി വാക്സിനുകള് മുതിര്ന്നവരില് 60 ശതമാനവും കുട്ടികളില് 75 ശതമാനവും പ്രതിരോധ ശേഷി വര്ധിപ്പിക്കുമെന്ന് ഖത്തര് പൊതുജനാരോഗ്യ മന്ത്രാലയം അറിയിച്ചു. വാക്സിനുകള് എടുക്കുന്നത് രോഗം വരാനുള്ള സാധ്യത കുറയ്ക്കും. അതിനാല് വാക്സിനുകള് എടുക്കണമെന്ന് മന്ത്രാലയം പൊതുജനങ്ങളോട് അഭ്യര്ത്ഥിച്ചു. പകർച്ചപ്പനി മൂലമുള്ള അപകട സാധ്യത കുറയ്ക്കാനും വാക്സിനുകള് സഹായിക്കുമെന്ന് ആരോഗ്യമന്ത്രാലയം എക്സില് കുറിച്ചു.
ഹമദ് മെഡിക്കല് കോര്പ്പറേഷനിലെ ഔട്ട്പേഷ്യന്റ് ക്ലിനിക്കുകളിലും ഹെല്ത്ത് സെന്ററുകളിലും സ്വകാര്യ ആരോഗ്യ കേന്ദ്രങ്ങളിലും സൗജന്യമായി വാക്സിനുകള് ലഭ്യമാണ്. 2022ല് രാജ്യത്ത് 760-ലധികം ആളുകളെ രോഗം ബാധിച്ച് ആശുപത്രിയില് പ്രവേശിപ്പിച്ചിരുന്നു. പ്രതിരോധ മാര്ഗങ്ങള് സ്വീകരിക്കണമെന്നും മന്ത്രാലയം അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F