August 28, 2023
August 28, 2023
കൊച്ചി: നെടുമ്പാശ്ശേരിയില് നിന്ന് ബംഗളൂരുവിലേക്ക് പുറപ്പെട്ട ഇന്ഡിഗോ വിമാനം ബോംബ് ഭീഷണിയെ തുടർന്ന് റണ്വേയില് വെച്ച് തിരിച്ചു വിളിച്ചു. വിമാനത്തില് ബോംബ് വെച്ചിട്ടുണ്ടെന്ന അജ്ഞാത ഭീഷണിയെ തുടര്ന്നാണ് വിമാനം തിരിച്ചുവിളിച്ചത്.
വിവരം ലഭിച്ച ഉടനെ ബോംബ് സ്ക്വാഡ് സ്ഥലത്തെത്തി പരിശോധന ആരംഭിച്ചു. എന്നാൽ, പരിശോധനയിൽ ഒന്നും കണ്ടെത്തിയിട്ടില്ല. വിമാനം പുറപ്പെട്ടതിന് ശേഷമാണ് ബോംബ് വച്ചതായി അജ്ഞാത സന്ദേശം ലഭിക്കുന്നത്. തുടര്ന്ന്, യാത്രക്കാരുടെ ലഗേജുകളുള്പ്പടെ വിമാനം പൂര്ണമായും പരിശോധിച്ചു. എന്നാൽ ഒന്നും കണ്ടെത്താൻ സാധിക്കാത്തതിനെ തുടര്ന്ന് മണിക്കൂറുകള് വൈകി വിമാനം ബംഗളൂരിലേക്ക് പറന്നു.
അതേസമയം, കഴിഞ്ഞമാസം രണ്ട് തവണ വ്യാജ ബോംബ് ഭീഷണിയെത്തുടര്ന്ന് പരിശോധന നടത്തിയിരുന്നു. സംഭവത്തില് രണ്ട് പേരെ പൊലീസ് അറസ്റ്റ് ചെയ്തിരുന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9